СУУЦ ӨМЧЛӨГЧДИЙН ХОЛБООДЫГ АЖЛАА САЙЖРУУЛАХЫГ АНХААРУУЛЛАА

СӨХ-дын үйл ажиллагаатай холбоотой гомдол иргэдээс олон ирдэг. Тиймээс Засаг даргын орлогч С.Батжаргал, Засаг даргын Тамгын газрын Хууль эрх зүйн хэлтэс, Хөрөнгө оруулалт, хөгжлийн бодлого төлөвлөлтийн хэлтсийн дарга зэрэг албаны хүмүүс аймгийн хэмжээнд үйл ажиллагаа явуулж буй СӨХ-дын удирдлагуудтай уулзалт хийлээ. 

Аймгийн хэмжээнд сууц өмчлөгчдийн 31 холбоо үйл ажиллагаа явуулж орон сууцны 141 байрны дундын өмчлөлийн 528 орц, подволь, 300 орчим дээврийг хариуцдаг. Мөн 1580 гаруй хаалга, 1800 орчим цонх зэрэг эд хөрөнгө дээрх холбоодын хариуцах асуудалд хамаардаг.

Иргэдийн санал, хүсэлтийг хүлээн авах 70353511 дугаарт СӨХ-дтой асуудлаар 2015 онд 49, 2016 онд 79 иргэн гомдол гаргасан. Түүнчлэн Баян-Өндөр сумын ЗДТГ тэргүүтэй холбогдох бүх байгууллагын хамтарсан шалгалтыг дээрх холбоодод хийсэн юм. Шалгалтыг 13 үзүүлэлтээр явуулсан бөгөөд үйл ажиллагаа явуулж буй СӨХ-д бүх гишүүдийн хурлаа хийдэггүй, оршин суугчдаас авсан мөнгөний зарцуулалтаа тайлагнадаггүй зөрчил илэрсэн талаар Хууль эрх зүйн хэлтсийн дарга Б.Ганзориг ярьлаа. Түүнээс гадна дээрх холбоод ажилчдынхаа нийгмийн даатгал, эрүүл мэндийн даатгалын шимтгэлийн 23 сая, цалингийн 10 сая төгрөгийн өртэй болжээ. Мөн иргэн, ААН-ээс нийтдээ 29 сая төгрөгийг зээлсэн боловч зарцуулалтыг оршин суугчиддаа тайлагнаагүйг шалгалтаар тогтоосон байна.

Тиймээс аймгийн Засаг даргын орлогч С.Батжаргал хэлэхдээ “Орон нутгаас СӨХ-дын үйл ажиллагааг дэмжиж байгаа. Гэтэл төсвийн хөрөнгө оруулалтаар хийгдсэн кодтой хаалга, дээвэр зэргийн арчлалт, хамгаалалтад холбоодын зүгээс тавих анхаарал хангалтгүй байна. Эдгээр болон шалгалтаар илэрсэн зөрчлүүдийг арилгах хэрэгтэй. Хамтраад ажиллая. Үр дүн гарахгүй бол бид өөр шийдэл гаргана” хэмээн анхаарууллаа.

Тэгвэл уулзалтад оролцсон СӨХ-дын удирдлагууд иргэдээс шалтгаалах олон асуудал байгааг онцоллоо. Мөн “Эрдэнэт Ус” ДТС ТӨХК-иас СӨХ-доос шимтгэл болгож орлогынх нь 12 хувийг авдаг. Хэрэв энэ мөнгийг авахаа боливол санхүүгийн чадамж дээшилж тэр хирээр ажлын үр дүн сайжирна гэж үзэж буйгаа илэрхийллээ. 

 
 
 
Мэдээллийн төв

 

Холбоотой мэдээлэл

2014-09-07 1426
Газрын харилцаа барилга хот байгуулалтын газрын долоо хоногийн ажлын мэдээ /2014.09.01-05/

Газрын харилцаа барилга хот байгуулалтын газрын долоо хоногийн ажлын мэдээ Газрын төлбөр, үнэлгээний ...

2019-05-29 3108
ХҮҮХДИЙН БАЯРААР ТӨВ ЗАМ ХААНА

Энэ жил хүүхдийн баярыг аймгийн хэмжээнд “Эрдэнэтийн хүүхдүүд-бидний ирээдүй” сэдвийн дор тэмдэглэн өнгөрүүлнэ. ...

2015-05-20 1424
Хүнсний худалдаа эрхлэгчдэд сургалт зохион байгууллаа

Хэлтсийн 2015 онд зохион байгуулах эрх зүйн сургалт сурталчилгааны төлөвлөгөөнд тусгагдсаны дагуу ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 9 Онлайн
  • 360 Өнөөдөр
  • 3039 Өчигдөр
  • 6485 Долоо хоногт
  • 100069 Сүүлийн сард
  • 6358045 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар