ШИНЭ ҮНДСЭН ХУУЛЬ БАТЛАЛЦСАН ДЕПУТАТУУДАД ХҮНДЭТГЭЛ ҮЗҮҮЛЛЭЭ

Энэ сарын 13-нд шинэ Үндсэн хууль батлагдсаны 25 жилийн ойн баяр тохиох юм. Уг ойг угтаж аймгийн Иргэдийн төлөөлөгчдийн хурал, Засаг даргын Тамгын газар хамтран хэд хэдэн ажлыг зохион байгуулж байна. Үүний хүрээнд өнөөдөр Үндсэн хууль батлахад гар бие оролцсон Ардын Их Хурлын депутатуудыг хүндэтгэх үйл ажиллагааг зохион байгууллаа. 

Энэхүү үйл ажиллагаанд Үндсэн хууль батлахад оролцсон тухайн үеийн Ардын Их Хурлын депутат Д.Рэнцэннацаг, н.Адъяа, н.Цэен-Ойдов, н.Ёндонжамц болон манай аймгаас УИХ-ын гишүүнээр сонгогдож 1996-2004 оны хооронд ажилласан Ё.Баярсайхан, Д.Цогбадрах нар оролцсон. Мөн АИТХ-ын тэргүүлэгчид,  ажлын албаны дарга Д.Эрдэнэцэцэг, Засаг даргын орлогч А.Түвшинжаргал, С.Батжаргал тэргүүтэй албаны хүмүүс оролцсон юм. Уулзалтын үеэр тухайн үеийн Ардын Их Хурлын депутатуудын дурсамж яриаг сонсож, тэднээс Үндсэн Хууль баталж байх үетэй холбоотой асуулт хариулт өрнүүллээ. 
 
Одоогоос 25 жилийн өмнө Үндсэн хууль батлахад нийт 430  хүн оролцсоны тав нь манай аймгийг төлөөлж оролцсон юм. Тэдний баталсан Үндсэн хууль нь 6 бүлэг 70 зүйлтэй. Тус хуулийн эхэд “Монголын ард түмэн бид улсынхаа тусгаар тогтнол бүрэн эрхт байдлыг бататган бэхжүүлж хүний эрх, эрх чөлөө, шударга ёс, үндэснийхээ эв нэгдлийг эрхэмлэн дээдэлж төрт ёс, түүх, соёлынхоо уламжлалыг нандигнан өвлөж хүн төрөлхтний соёл иргэншлийн ололтыг хүндэтгэн үзэж эх орондоо хүмүүнлэг, иргэний ардчилсан нийгмийг цогцлоон хөгжүүлэхийг эрхэм зорилго болгоно. Үүний учир Монгол Улсын Үндсэн Хуулийг даяар олноо зарлан тунхаглаж байна. ...Мэдэх тун, Сахих тун.” гэсэн байдаг юм. 
 
 
 
 
 
 
 
 
Мэдээллийн төв
 

 

 

Холбоотой мэдээлэл

2014-02-17 2183
Газрын харилцаа, барилга хот байгуулалтын газраас мэдээлж байна /2014 оны 2-р сарын 10-14/

Газрын төлбөр, үнэлгээний талаар: Иргэн, хуулийн этгээдэд газар эзэмшүүлэх, ашиглуулах тухай Засаг ...

2016-05-27 1585
Сонгон шалгаруулалтад урьж байна

Материалаа 2016.06.16-ны өдрийн 18:00 цагаас өмнө Нийгмийн даатгалын хэлтсийн Эрүүл мэндийн даатгалын ...

2015-03-30 1492
Эрүүл мэндийн газрын долоо хоногийн мэдээ /2015.03.23-27/

1. Эрүүл мэндийн байгууллагуудын эмчилгээ чанарын албадын хурлыг зохион байгуулж, 2015 оны хийх ажлын ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 10 Онлайн
  • 422 Өнөөдөр
  • 3039 Өчигдөр
  • 6547 Долоо хоногт
  • 100131 Сүүлийн сард
  • 6358107 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар