ЭНЭ ОНД ГЭР БҮЛИЙН ХҮЧИРХИЙЛЛИЙН УЛМААС 3 ХҮҮХЭД АМИА АЛДЖЭЭ

 НҮБ-ын Ерөнхий ассамблейгаас Хүний эрхийн түгээмэл тунхаглалыг 1948 оны арван хоёрдугаар сарын 10-ны өдөр батлан гаргасан. Үүнээс хойш жил бүр 12-р сарын 10-нд Хүний эрхийн олон улсын өдрийг тэмдэглэдэг болсон. 

Уг өдрийг угтаж Орхон аймгийн Засаг даргын тамгын газрын Хууль эрх зүйн хэлтэс, Хүний эрхийн үндэсний комиссын Орхон аймаг дахь салбар хамтран олон ажил зохион байгуулсны нэг нь гэр бүлийн хүчирхийллийн асуудлаарх хэлэлцүүлэг байсан юм. Үүнд Гэр бүл, хүүхэд, залуучуудын хөгжлийн газар, Прокурорын газар, Баян-Өндөр сумын ЗДТГ зэрэг 10 гаруй байгууллагын төлөөлөл оролцлоо. 
 
Энэ он гарсаар Гэр бүл, хүүхэд, залуучуудын хөгжлийн газарт гэр бүлийн хүчирхийлэлд хүүхэд өртсөн 24 тохиолдол бүртгэгдсэн байна. Үүнээс эцэг, эх, асран хамгаалагчийн хараа хяналт сул байдлаас үүдэж 2 хүүхэд бэлгийн хүчирхийлэлд өртсөн гэнэ. Мөн нэг хүүхдийг төрсөн эцэг нь хүчирхийлсэн тохиолдол гарсан аж. Түүнчлэн 12 хүүхэд үл хайхрах, 9 хүүхэд бие махбодь, сэтгэл санааны хүчирхийлэлд өртсөн гэж ГБХЗХГ-ын мэргэжилтэн Н.Чулуунцэцэг илтгэлдээ дурдлаа. Он гарсаар хүчирхийллийн улмаас 1-15 насны гурван хүүхэд амиа алдсан гэнэ. Дээрх тохиолдлуудын хоёр нь үр хайхрах хүчирхийллээс үүдэлтэй бол нэг нь сэтгэл санааны хүчирхийллийн улмаас амиа хорложээ. 
 
ГБХЗХГ-аас хүчирхийлэлд өртсөн хүүхдүүдийг хамгаалах, сэтгэл зүйн болон бусад төрлийн эмчилгээнд хамруулах чиглэлээр олон ажил хийдэг байна. Цаашид гэр бүлийн хүчирхийллийг таслан зогсоох зорилгоор хүчирхийлэлд өртсөн иргэдийг хамгаалах, түр байршуулах байрны үйл ажиллагааг өргөжүүлж, стандартад нийцүүлэх хэрэгтэй гэж ГБХЗХГ-ын мэргэжилтэн үзэж байна. Түүнээс гадна хүчирхийлэлд өртсөн, өртөх эрсдэлтэй хүмүүст үзүүлэх үйлчилгээнд зарцуулж буй санхүүжилтийг нэмэгдүүлэх саналыг гаргалаа. 
 
Тэгвэл Хүний эрхийн үндэсний комиссын Орхон аймаг дахь ажилтан Ё.Эрдэнэболд хэлэхдээ “Цагдаагийн газраас гэр бүлийн хүчирхийллийн нөхцөл байдлын эрсдэлийн үнэлгээг хийсэн байна. Судалгааг аймгийн нийт өрхийн 8.6 хувьд буюу 24 багийн 2400 айлд явуулахад 40 гаруй хувь нь гэр бүлийн хүчирхийллийн ямар нэгэн эрсдэлтэй гарсан” гэлээ. Аймгийн Цагдаагийн газарт энэ төрлийн гэмт 2015 онд 60, 2016 оны 5-р сарын байдлаар 22 бүртгэгдсэн юм. 
 
Хэлэлцүүлэгт оролцогчид иргэдийн дунд гэр бүлийн хүчирхийллийн талаарх ойлголт мэдлэгийг нэмэгдүүлэхэд хэвлэл мэдээллийн хэрэгслүүд, ТББ-уудтай хамтарч ажиллах хэрэгтэйг онцоллоо. Мөн хүчирхийлэлд өртөж болзошгүй иргэдийн мэдээллийг цахим хэлбэрт шилжүүлэх санал гарсан юм. Уг жишгийг Дорнод аймаг амжилттай хэрэгжүүлсэн гэв. Түүнээс гадна төрийн байгууллагуудын уялдаа холбоог сайжруулах нь бодит үр дүн авчирна гэж үзэж буйгаа хэлэлцүүлэгт оролцогчид онцоллоо. 
 
Дашрамд дурдахад, Энэ он гарсаар Хүний эрхийн үндэсний комиссын Орхон аймаг дахь ажилтанд хандаж нийтдээ 9 гомдол иржээ. 
 
 
 
Мэдээллийн төв
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-13 1498
Анхдагч илгээлтийн эздийн 40 жилийн ойн баяр үдшийн цэнгүүнээр үргэлжилж байна

“Эртний сайхан” чуулга, “Мөнгөн сор” хамтлаг болон Зэвсэгт хүчний “Жанжин ...

2014-08-04 1197
Нийгмийн хөгжлийн хэлтсийн 7 хоногийн мэдээ

Хэлтсийн хүрээнд.Илгээлтийн эзэд анхдагчдын жилийн ажлын төлөвлөгөөний дагуу хүнд өвчтэй хэвтрийн 30 ...

2015-04-01 1861
Орхон аймгийн Жаргалант сумын ЗДТГ нээлттэй хаалганы өдөр зохион байгууллаа

Орхон аймгийн Жаргалант сумын ЗДТГ-ын нээлттэй хаалганы өдөрлөгийг 2015 оны 03 дугаар сарын 31-ний өдөр ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 24 Онлайн
  • 3825 Өнөөдөр
  • 4737 Өчигдөр
  • 8562 Долоо хоногт
  • 185756 Сүүлийн сард
  • 6224976 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар