Орхон аймаг АНУ-тай эрүүл мэнд, боловсролын салбарт хамтран ажиллах сонирхлоо илэрхийллээ

      Аймгийн Засаг дарга Д.Батлут АНУ-аас манай улсад суугаа Ерөнхий консул Жэйсон Спэлбэрг болон тус улсын ЭСЯ-ны Тусгай ажилтан Жэрими Венстрэйныг хүлээн авч уулзлаа.


         Ерөнхий консул Жэйсон Спэлбэрг уг ажилд томилогдоод гурван сар болж байгаа байгаа бөгөөд манай хоттой хамтарч ажиллах санал солилцохоор иржээ. Мөн их, дээд сургуулийн оюутнуудад АНУ-ын визтэй холбоотой мэдээллийг өгч, БОЭТ, Цагдаагийн газар, “Эрдэнэт үйлдвэр” ХХК-ийн үйл ажиллагаатай танилцсан юм. Эрдэнэт хот АНУ-ын Аляска мужийн Фэйрбанкс  хоттой 2007 оноос эгч, дүүс хотын харилцаа тогтоосон. Тус хоттой аялал жуулчлал, боловсролын салбарт хамран ажилладаг юм.


         Аймгийн Засаг дарга Д.Батлут уулзалтын үеэр хэлэхдээ “Энэ оноос эхлэн ЗДТГ-т Гадаад харилцааны алба байгуулан ажиллуулахаар болсон. Ингэснээр гадаадын улс орнуудаас хэрэгжүүлж буй төсөл, хөтөлбөрүүдтэй хамтран ажиллах,  ах, дүү, эгч, дүүгийн харилцаатай хотуудтай хамтын ажиллагаагаа өргөжүүлэх боломж нээгдэх юм. Бидний тавьж буй зорилттой нийцэж АНУ-аас Монгол  Улсад суух Ерөнхий консул тэргүүтэй албаны хүмүүс хүрэлцэн ирсэнд баяртай байна” гэлээ. Энэ үеэр Орхон аймаг, Эрдэнэт хот АНУ-тай аль салбарт хамтран ажиллах сонирхолтой байгааг тус улсаас Монгол Улсад суух Ерөнхий консул Жэйсон Спэлбэрг сонирхсон юм. Манай аймаг боловсрол, эрүүл мэндийн салбарт АНУ-тай хамтран ажиллах хүсэлтэй байгаагаа Засаг дарга илэрхийлсэн. Уг уулзалтын үеэр Засаг дарга 2006 онд АНУ “Мянганы сорилтын сан”-аар дамжуулж 285 сая америк долларын тусламжийг Монгол Улсад үзүүлсэн нь дэд бүтэц болон бусад олон салбарын хөгжил, төлөвшлийг бий болгосон гэдгийг цохон тэмдэглэлээ.


Хэвлэл мэдээлэл, Олон нийттэй харилцах алба
 

 

Холбоотой мэдээлэл

2016-09-07 3176
БНХАУ-ын аж ахуйн нэгжүүд “Аж үйлдвэрийн парк” байгуулах төсөлд хамтрах саналаа илэрхийлжээ

Энэ сарын 3-5-ны өдрүүдэд БНХАУ-ын Эрээн хотод болсон “ОХУ, БНХАУ, Монгол Улсын худалдаа, эдийн засгийн ...

2015-10-28 1900
“ИТХ-ЫН ТӨЛӨӨЛӨГЧИЙН МАНЛАЙЛАЛ” СУРГАЛТ БОЛЖ БАЙНА

“ИТХ-ын төлөөлөгчийн манлайлал” сэдэвт сургалтанд Орхон аймгийн болон Баян-Өндөр, Жаргалант ...

2015-11-02 2332
ЗАЛУУЧУУДЫН ХӨГЖЛИЙН ХӨТӨЛБӨРИЙГ БАТАЛЛАА

Өнгөрсөн баасан гарагт буюу 10 сарын 30-нд болсон Аймгийн ИТХ-ын тэргүүлэгчдийн хуралдаанаар Аймгийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 8 Онлайн
  • 406 Өнөөдөр
  • 3039 Өчигдөр
  • 6531 Долоо хоногт
  • 100115 Сүүлийн сард
  • 6358091 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар