Эрчим хүчний сайд манай аймагт ажиллалаа

          Эрчим хүчний сайд П.Ганхүү тэргүүтэй албаны хүмүүс манай аймагт ажиллалаа. Тэд “Эрдэнэтийн ДЦС” ТӨХК болон “Эрдэнэт Булганы ЦТС” ТӨХК-ийн үйл ажиллагаатай танилцсан юм.


       “Эрдэнэтийн ДЦС” ТӨХК-ийн өргөтгөлийг үргэлжлүүлнэ

    Эрчим хүчний сайд хамгийн эхэнд “Эрдэнэтийн ДЦС” ТӨХК-ийн үйл ажиллагаатай танилцлаа. Тус компани нь 2016-2017 оны өвөлжилтийн бэлтгэл ажлын төлөвлөгөөндөө 22 нэр төрлийн ажлыг багтаасан байна. Одоогоор үүний биелэлт 98 хувьтай үргэлжилж байна гэж тус компанийн гүйцэтгэх захирал О.Ганбаатар хэллээ. Түүнчлэн “Эрдэнэтийн ДЦС” ТӨХК-ийн зардал 108 сая төгрөгөөр хэтэрсэн дүн гарчээ. Энэ нь төмөр замын тээвэрлэлт, “Эрдэнэт үйлдвэр” ХХК-иас авдаг усны өртөг өссөнтэй холбоотой гэнэ. Он гарсаар компани авлагаа 739 сая, өр төлбөрөө 380 сая төгрөгөөр бууруулж чадсан байна.
    Энэ онд тус компани 2.2 тэрбум төгрөгийн их засвар хийх ёстой бөгөөд одоогоор уг ажилд 1.9 тэрбум төгрөг зарцуулаад байгаа аж. “Эрдэнэтийн ДЦС” ТӨХК-ийн компанийн гүйцэтгэх захирал О.Ганбаатар хэлэхдээ “Станцын 2-р үнсэн сан дүүрсэн. 1-р сан 3 жилийн дараах дүүрнэ. Энэ асуудлыг шийдэхэд 6.5 тэрбум төгрөг хэрэгтэй” гэсэн юм.
Эрдэнэтийн дулааны цахилгаан станц нь 3-р сард өргөтгөлийн шаваа тавьсан ч ажил нь зогсоод байна. Тиймээс уг өргөтгөлийн ажлыг үргэлжлүүлнэ гэдгээ Эрчим хүчний сайд П.Ганхүү хэллээ.

Дэлхийн банкнаас “Эрдэнэт Булганы ЦТС” ТӨХК-д 15.1 сая америк долларын санхүүжилт хийх асуудал яригдаж байна

          Үүний дараа тэрээр  Монгол Улсын 11 аймгийн 114 сум суурин газрын 66 мянга гаруй хэрэглэгчдэд эрчим хүч түгээн борлуулдаг “Эрдэнэт Булганы ЦТС” ТӨХК-ийн үйл ажиллагаатай танилцсан. Тус компани 5 мянга 500 км цахилгаан дамжуулах агаарын шугам, 570 гаруй станцаар хэрэглэгчдэд үйлчилдэг. Одоогоор компанийн авлага 15.2 тэрбум төгрөгт хүрээд байгаа нь Эрдэнэт үйлдвэр” ХХК-ийн цахилгааны хэрэглээ нэмэгдсэнтэй холбоотой аж.


         Эрчим хүчний сайд П.Ганхүүтэй уулзах үеэрээ компанийн удирдлагууд шийдэх хэрэгтэй хэд хэдэн асуудлыг уламжиллаа. Тухайлбал, “Эрдэнэт Булганы ЦТС” ТӨХК-ийн эзэмшлийн цахилгаан дамжуулах агаарын шугамын 77 орчим хувь нь модон тулгууртай. Одоо модон тулгууруудын ихэнх нь муудсан тул яаралтай солих хэрэгтэй гэж тус компанийн ашиглалтын инженер н.Мөнх-Эрдэнэ ярьлаа.
Мөн шугам тоноглолуудын насжилт хэтэрсэн байна. Тодруулбал, Компанийн эзэмшлийн шугам тоноглолууд нь 1960-1990 онд үйлдвэрлэгдсэн тул зах зээлд сэлбэг нь борлуулагдахаа больсон тул засаж сэлбэх боломжгүйд хүрчээ.  Энэ асуудлыг шийдэх үүднээс Дэлхийн банкны 15.1 сая америк долларын санхүүжилтийг авах асуудал яригдаж байгаа гэнэ. Энэ санхүүжилт шийдэгдвэл одоо ашиглаж буй 2 ком дэд станцыг шинэчилж, 3 км үргэлжлэх цахилгаан дамжуулах агаарын шугам шинээр барих боломж бүрдэх гэнэ. Бас 4 аймгийн төвийн цахилгаан дамжуулах агаарын шугамын модон тулгуурыг сольж, 2300 гаруй ухаалаг тоолуур суурилуулахаар төлөвлөжээ.


         Эрчим хүчний сайд П.Ганхүү Дэлхийн банкны санхүүжилтийг тус компанид авах асуудлыг шийдвэр гаргах бүх түвшинд уламжлахаа мэдэгдлээ.


Хэвлэл мэдээлэл, олон нийттэй харилцах алба

 

 

Холбоотой мэдээлэл

2019-07-01 865
ХОТЫН ТӨВД ОРЖ ИРСЭН МАЛЫГ ХАШИЖ, ЭЗЭДЭД НЬ ХАРИУЦЛАГА ТООЦНО

Орхон аймгийн Засаг даргын ээлжит шуурхай зөвлөгөөн өнөөдөр хуралдлаа. Энэ удаагийн хуралдааныг Орхон ...

2014-10-30 1504
Нийгмийн даатгалын хэлтсийн дарга Д.Чимгээ "70353511 төв"-д ажиллалаа

Нийгмийн даатгалын хэлтсийн дарга Д.Чимгээ "Иргэдийн санал хүсэлт хүлээн авах 70353511 төв"-д ...

2015-04-30 12399
“Оюу” танхим үүдээ нээлээ

“Эрдэнэт” үйлдвэрийн Ерөнхий захиргааны 2-р байрны дугуй заал удаан хугацаанд ашиглагдахгүй ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 14 Онлайн
  • 1234 Өнөөдөр
  • 2319 Өчигдөр
  • 13634 Долоо хоногт
  • 65625 Сүүлийн сард
  • 6432760 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар