9-р цэцэрлэгт хийсэн санхүүгийн хяналт шалгалтын тайлан мэдээ.

         Орхон аймгийн Баян өндөр сумын Уурхайчин багт байрлах 9 дүгээр цэцэрлэгийн 2014  оны санхүү аж ахуйн үйл ажиллагаанд Санхүүгийн Хяналт Аудитын Албанаас баримтын шалгалтыг хийв.  Тус 9 дүгээр цэцэрлэг нь 1985 онд ашиглалтанд  орж үйл ажиллагаагаа явуулж эхэлсэн бөгөөд 2014 онд 319,545.2 мянган төгрөгийн төсөв батлагдан төсвийг зориулалтын дагуу зарцуулж Төсвийн тухай хуулийг мөрдөж  ажилласан байна.

Орон нутгийн төсвийн хөрөнгөөр 2014 онд 5,000.0 мянган төгрөгний камержуулалтын ажил хийгдсэн байна. Өмч хөрөнгийн ашиглалт, бүрэн бүтэн байдлыг газар дээр нь шалгаж, тооллого хийхэд зөрчил дутагдалгүй байв. 

Шалгалтын явцад дараах зөрчил дутагдал илрэв.

  • Эрхлэгчийн тушаалаар тогтоосон ажиллагсдын цалин хэмжээг Засгийн газрын 2007 оны 354-р тогтоолоор баталсан  “Сургуулийн өмнөх болон бага дунд боловсрол эзэмшүүлэх сургалтын байгууллагын төрийн үйлчилгээний албан тушаалын ангилал, зэрэглэл”, “Төрийн үйлчилгээний бусад байгууллага болон төрийн байгууллагын хэвийн үйл ажиллагааг хангахад туслах албан тушаалын ангилал, зэрэглэл”-ийн жагсаалт болон Засгийн газрын 2012 оны 78 дугаар тогтоолоор баталсан цалингийн сүлжээтэй тулган шалгахад зарим      багш ажилтны албан тушаалын ангилал зэрэглэлийг алдаатай тогтоосон зөрчил илэрч байна. Мөн Засгийн газрын 2014 оны 75 дугаар тогтоолоор 2014 онд төрийн албан хаагчдын цалин нэмэгдүүлсэн тул эрхлэгчийн 2014 оны 21 дүгээр тушаалаар ажиллагсдын цалинг шинэчлэн тогтоохдоо зарим албан тушаалтны шатлал ангиллыг буруу тогтоосон зөрчил илэрч байна.  
  • Албан томилолтын зардал олгосон байдлыг шалгахад томилолтоор ажилласан албан хаагчийн явсан, буцаж ирсэн өдрийг нэг хоногт тооцож хасалт хийгээгүй, нийтийн тээвэр, автобусны тарифаар унааны зардлаар тооцож олгоогүйзорчигч тээврийн тасалбарыг гараар бичсэн зэрэг зөрчил гаргасан байна. Энэ нь Засгийн газрын 1995 оны 218 дугаар тогтоолын 1 дүгээр хавсралтаар батлагдсан “ТӨРИЙН АЛБАН ХААГЧИД НӨХӨХ ТӨЛБӨР ОЛГОХ ЖУРАМ”-ын  9-д заасан "Албан  томилолтоор  ажилласан  хоногийн тоог томилолтын үнэмлэхэд тэмдэглэсэн календарийн бүх хоногоор тооцож гаргана. Тэгэхдээ явсан, буцаж ирсэн өдрийг нэг хоногт тооцно." гэж заасны дагуу  тухайн томилолтын ирсэн явсан хоногийг нэг хоногт тооцохгүй байна, журмын 7 –д заасан "Уналгын  зардлыг тухайн чиглэлд үйлчлэх нисэх онгоц,галт тэрэг, автомашин,   автобусны  хөлсний   үнэлгээг,   байрны зардлыг зочид буудлын  ор  хоногийн тарифыг тус тус үндэслэн олгоно."  гэж заалтуудыг тус тус зөрчсөн байна.
  • Хүнсний материалыг худалдан авахдаа харьцуулалтын аргыг ашиглан худалдан авах ажиллагааг зохион байгуулсан гэх боловч дараах зөрчил илэрч байна. Үүнд батлагдсан гэрээний маягтын дагуу гэрээг байгуулаагүй, тендерийн баримт бичиг боловсруулж, баталгаажуулаагүй, тендерийн нээлт, гэрээ байгуулах эрх олгох тухай мэдэгдэл, бараа бүтээгдэхүүний техникийн тодорхойлолт болон бараа нийлүүлэлтийн хуваарь зэрэг баримт бичгүүдийн бүрдэл дутуу байгаа зөрчил илэрч байгаа тул Төрийн болон орон нутгийн өмч хөрөнгөөр бараа ажил үйлчилгээ худалдан авах тухай  хууль, Сангийн сайдын 2007 оны 268 тоот тушаалаар батлагдсан “Харьцуулалтын аргаар бараа худалдан авах жишиг” баримт бичгийн дагуу тендерийн баримт бичгийг боловсруулан холбогдох маягтыг зааврын дагуу хөтөлж, сонгон шалгаруулалтыг хууль журманд нийцүүлэн ажиллах шаардлагатай байна

 

Байгууллагын санхүүгийн үйл ажиллагаанд нягтлан бодох бүртгэлийг заавар журмын дагуу хөтөлсөн, анхан шатны баримтыг зохих хэмжээнд бүрдүүлсэн, санхүүгийн тайланг заавар журмын дагуу бэлтгэж, хугацаанд нь холбогдох байгууллагуудад хүргүүлэн ажилласан боловч албан томилолтын зардал олгох, ажилчдын цалин тогтоох, хүнсний материал бэлтгэн нийлүүлэгчийн сонгон шалгаруулахдаа Төрийн болон орон нутгийн өмчийн хөрөнгөөр бараа ажил үйлчилгээ худалдан авах хууль болон түүнд нийцүүлэн гаргасан тогтоолоор батлагдсан журмыг зөрчин худалдан авалт хийсэн зэрэг зөрчлийг эс тооцвол санхүүгийн үйл ажиллагааг хангалттай гэж дүгнэв. 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-08-09 2354
Аймгийн Засаг даргын 7-р сарын 8-ны өдрийн шуурхай үүрэг даалгаврын биелэлт

1.7а, Эко хорооллын барилгын ажлыг гүйцэтгэгч байгууллагуудтай гэрээ байгуулах ажлыг яаралтай хийж дуусгах Монгол ...

2016-08-09 1426
АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

1. 7 сарын 31-ний орой орсон аадар бороо, хүчтэй салхины улмаас хохирол үүссэн нөхцөл байдлыг судалж ...

2013-05-17 9100
Хангайн бүсийн Хөлбөмбөгийн аварга шалгаруулах тэмцээн Орхон аймагт болж өндөрлөлөө

Монгол улсын Ерөнхийлөгчийн ивээл дор зохиогдож буй Хангайн бүсийн Хөлбөмбөгийн аварга шалгаруулах тэмцээн ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 31 Онлайн
  • 3984 Өнөөдөр
  • 4737 Өчигдөр
  • 8721 Долоо хоногт
  • 185915 Сүүлийн сард
  • 6225135 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар