Их залуу багт шинэ цэцэрлэг нээлтээ хийлээ

Өнөөдөр Их залуу багт байрлах 15-р сургууль дээр 90 хүүхдийн багтаамжтай шинэ цэцэрлэгийн өргөтгөл барин нээлтийн ёслолын ажиллагааг зохион байгууллаа. Энэ цэцэрлэг сүүлийн 3-н жилд ашиглалтанд оруулж байгаа 6 дахь цэцэрлэг болж байна. Шинэ цэцэрлэгийн хувьд зөвхөн 5 настангуудыг хүлээн авч, сургуулийн өмнөх насны боловсрол олгох юм. Өнөөдөр тус цэцэрлэгийн нээлтийн арга хэмжээн дээр Орхон аймгийн Засаг дарга С.Дангаасүрэн хэлсэн үгэндээ “Хүүхэд багачуудаа сурах боловсрох таатай орчин нөхцөлөөр хангах нь аймгийн удирдлагууд бидний үүрэг юм. Бид энэ үүргээ сайн биелүүлж сүүлийн 3-н жилд 1200 орчим хүүхдүүдээ цэцэрлэгтэй болгоод байна. Тэр чинээгээрээ эцэг эхчүүдийн ачаа хөнгөрч, ажил хөдөлмөр эрхлэн, үр хүүхдийнхээ амьдрах орчин нөхцөлийг сайжруулах боломж олгож байгаа юм.” гэсэн байна.