Төрийн жинхэнэ албан тушаалд анх орох иргэний мэргэшлийн шалгалт зохион байгуулагдлаа

 

ОРХОН АЙМАГ ДАХЬ НУТГИЙН ЗАХИРГААНЫ БАЙГУУЛЛАГЫН

ШАЛГАЛТЫН САЛБАР КОМИСС

2015.09.09                                                                                                                                Эрдэнэт хот       

              ИЛТГЭХ ХУУДАС

Төрийн жинхэнэ  албан тушаалд анх орох иргэдээс авах  мэргэшлийн шалгалтын  дүнгийн тухай

            Монгол улсын Төрийн албаны тухай хууль, Төрийн албаны зөвлөлийн  2013 оны  86 дугаар тогтоолоор батлагдсан “Төрийн жинхэнэ албан тушаалд анх ороход мэргэшлийн шалгалт авах журам”, Төрийн жинхэнэ албан тушаалд анх ороход авах  мэргэшлийн шалгалтын үнэлгээ, дүн гаргах заавар”-ын  дагуу  2015 оны  09 сарын 09-ний өдөр   Төрийн жинхэнэ албан тушаалд анх орох иргэдээс авах  мэргэшлийн шалгалтыг зохион байгуулан явууллаа.

            1.Бүртгэл

            Аймаг дахь Төрийн албаны зөвлөлийн салбар зөвлөлөөс  нутгийн захиргааны  байгууллагын шалгалтын салбар комиссыг 7  хүний бүрэлдэхүүнтэйгээр баталсан ба салбар комиссын дэргэд бүртгэлийн болон сорилын шалгалт, ярилцлагын гэсэн 3  ажлын хэсгийг томилон ажиллууллаа.

Бүртгэлийн ажлын хэсэг 2015 оны 09 сарын 03, 04 -ний өдрүүдэд  мэргэшлийн шалгалтанд орохыг хүссэн  иргэдийн бүртгэлийг хийсэн ба зарлагдсан 2 ажлын байранд  51  иргэн бүртгүүлсэн.

Нийт зарласан ажлын байрны тоо

 

2

Эрүүл мэндийн газрын Уламжлалт анагаах ухаан сэргээн засах тусламж үйлчилгээний хариуцсан мэргэжилтэн /дэс түшмэл/ Жаргалант сумын Засаг даргын Тамгын газрын Санхүүгийн албаны төсөв, төрийн сангийн мэргэжилтэн /туслах түшмэл/

Бүртгүүлсэн иргэдийн тоо

 

51

Дэс түшмэл-1

Туслах түшмэл-50

 

            2.Ерөнхий мэдлэгийн түвшин тогтоох шалгалт

Ш.Отгонбилэгийн нэрэмжит Технологийн сургуулийн Мэдээллийн технологийн төвд онлайн шалгалтыг  9 цагаас эхэлсэн.       

            Ерөнхий мэдлэгийн түвшин тогтоох шалгалтад 51 иргэн орохоос 50 иргэн орсон ба 11 иргэн 36 ба түүнээс дээш оноо авч тэнцсэн байна.            Шалгалтын явцад ямар нэгэн хүндрэл  гараагүй болно. 1 иргэн мэргэшлийн шалгалтад ирээгүй.

            3.Монгол хэл бичгийн мэдлэгийн болон албан хэрэг хөтлөх ур чадварын түвшин тогтоох шалгалт

Ерөнхий мэдлэгийн түвшин тогтоох шалгалтад тэнцсэн 11 иргэн шалгалтад  орсон ба 9  иргэн 9 ба түүнээс дээш оноо авч тэнцсэн. Шалгалтын явцад ямар нэгэн хүндрэл  гараагүй болно.

4.Мэдээллийн технологийн ур чадварын түвшин тогтоох шалгалт

Монгол хэл бичгийн мэдлэгийн болон албан хэрэг хөтлөх ур чадварын түвшин тогтоох шалгалтад тэнцсэн 9 иргэнээс дээрх шалгалтыг авлаа. Ямар нэгэн хүндрэл бэрхшээл гараагүй болно.                  

            5.Мэдлэг хандлага, зан үйлийг тодорхойлох шалгалт

Мэдлэг хандлага, зан үйлийг тодорхойлох комисс  дээрх 9 иргэнтэй ганцаарчилсан хэлбэрээр ярилцлага зохион байгуулсан ба дүнг тухайн үед нь танилцуулан гарын үсэг зуран баталгаажуулсан.

            Шалгалтын салбар комисс нь  шалгалтын дүнг хуралдаанаараа хэлэлцэн шалгалтанд 60 ба түүнээс дээш оноо авч тэнцсэн 7 иргэнийг төрийн жинхэнэ албанд анх орох иргэний нөөцөд бүртгүүлэх, “Туслах түшмэлийн ангиллын төрийн жинхэнэ албан тушаалд анх орох иргэний нөөц”-д бүртгэгдсэн иргэдээс хамгийн өндөр оноо авсан нэр бүхий 1 иргэнийг Жаргалант сумын Засаг даргын Тамгын газрын Санхүүгийн албаны төсөв, төрийн сангийн мэргэжилтний албан тушаалд  томилуулах саналыг Төрийн албаны мэргэшлийн шалгалтын  төв комисст хүргүүлэхээр санал нэгтэй шийдвэрлэв.           

            6.Дүгнэлт

            2015 оны 09 сарын 09-ний өдөр зохион байгуулагдсан  Төрийн жинхэнэ албаны  мэргэшлийн шалгалт цахим хэлбэрээр зохион байгуулагдаж холбогдох  журам, үнэлгээний зааврын дагуу графикт хугацаанд амжилттай  явагдлаа.

            Төрийн жинхэнэ албаны 2 орон тоо зарлагдаж Эрүүл мэндийн газрын Уламжлалт анагаах ухаан сэргээн засах тусламж үйлчилгээнй хариуцсан мэргэжилтний /дэс түшмэл/ албан тушаалд 1, Жаргалант сумын Засаг даргын Тамгын газрын Санхүүгийн албаны төсөв, төрийн сангийн мэргэжилтний /туслах түшмэл/ албан тушаалд  50 иргэн бүртгүүлсэн ба  шалгалтын эцсийн дүн гарахад  туслах түшмэлийн сул орон тоонд 7 иргэн тэнцсэн байна.   

            Төрийн жинхэнэ  албаны мэргэшлийн шалгалтын  үеэр болон  бэлтгэл ажилтай холбоотой ямар нэгэн зөрчил дутагдал гараагүй.

            Мөн түүнчлэн төрийн жинхэнэ албаны мэргэшлийн шалгалтын  үйл явцыг  сонирхсон этгээдэд  дэлгэцээр ажиглан харах боломжийг бүрдүүлж  үйл ажиллагааны ил тод байдлыг ханган ажиллалаа.

            7.Хураамж

            51 иргэний шалгалтын хураамж 306000 төгрөгийг аймгийн Засаг даргын Тамгын газрын нэмэлт санхүүжилтийн дансанд бэлэн бусаар тушаасан ба зарцуулагдаагүй.          

 

                        КОМИССЫН ДАРГА                                                Ш.ГАНБОЛД

                       

                        НАРИЙН БИЧГИЙН ДАРГА                                                Ч.БАЯНЖАРГАЛ

 

 

 

 

Холбоотой мэдээлэл

2020-06-03 895
ХУВИЙН АШИГ СОНИРХЛЫН УРЬДЧИЛСАН МЭДҮҮЛЭГ ХЯНАСАН ТУХАЙ

Хөрөнгө оруулалт, хөгжлийн бодлого төлөвлөлтийн хэлтсийн даргын үүргийг түр орлон гүйцэтгэгч

2016-11-30 2212
АНХАН ШАТНЫ ШҮҮХИЙН ШҮҮГЧИЙН СОНГОН ШАЛГАРУУЛАЛТЫН ЗАР

Шүүхийн ерөнхий зөвлөлийн даргын 2016 оны 11 дүгээр сарын 24-ний өдрийн 145 дугаар тушаалаар Орхон аймаг ...

2015-11-11 2238
Төрийн захиргааны албан хаагчийн тангараг өргөх ёслолын үйл ажиллагаа боллоо

1.Монгол улсын Ерөнхийлөгчийн 1995 оны 05 дугаар сарын 15-ны өдрийн 109 дүгээр зарлигаар батлагдсан ...

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 34.207.247.69
2021-01-03-ний өдрөөс хойш.
  • 15 Онлайн
  • 73 Өнөөдөр
  • 1828 Өчигдөр
  • 14301 Долоо хоногт
  • 66292 Сүүлийн сард
  • 6433427 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1048

Facebook

Цаг агаар