Мэндчилгээ

МЭНДЧИЛГЭЭ

Орхон аймаг, Эрдэнэт хотынхоо нийт иргэд, наадамчин олон  та бүхэндээ Үндэсний их баяр наадам, Монголын Тулгар төрийн 2224 жил, Их Монгол улсын 809 жил, Ардын хувьсгалын 94 жилийн ой, Орхон аймгийн баяр наадмын халуун мэндийг өргөн дэвшүүлье.

            Монгол наадам нь Монгол Улсын бүрэн эрхт байдал, манай ард түмний их түүх, нүүдэлчдийн соёл, ёс заншлын тод илэрхийлэл бөгөөд түмэн олны  өргөн их баяр цэнгэл  билээ.

            Монгол хүн бүрийн билэг, ерөөл бүрдсэн, зуны сайхан энэ өдрүүдэд Орхон аймгийн баяр наадам тохиож байна.

            Түүхэн их бүтээн байгуулалт, түмэн олноороо гоёсон энэ наадам  ёс  журамтай, өргөн дэлгэр, шинэ  амжилт, шинэчлэл өөрчлөлт, бахархал, дурсамжаар дүүрэн байна гэдэгт итгэлтэй байна.

2015 он  Монголчууд тэр дундаа Эрдэнэтчүүд та бидний хувьд олон түүхт үйл явдал, амжилт бүтээлээр арвин байна.

            Аугаа эх орны дайны болон чөлөөлөх дайны ялалтын 70 жилийн ой, 20 дугаар зууны манлай бүтээн байгуулалт Эрдэнэт үйлдвэрийн өргөтгөл ашиглалтанд орсон, Орхон аймаг, Эрдэнэт хотын хэмжээнд өрнөж байгаа их бүтээн байгуулалтын ажлууд гээд та бидэнд бахархах зүйл олон байна.

             Эрдэнэтчүүд бид Эрдэнэт хотынхоо байгуулагдсан цагаас  хойш хийж  бүтээснээрээ, ололт  амжилтаараа, бүтээл туурвилаараа бахархан баяр наадмаа  тэмдэглэж, ирээдүйд  хийж  амжуулах ажлаа ярилцаж, орон нутгийнхаа хөгжил дэвшлийн төлөө хамтран ажиллах болно.

            Орхон аймаг, Эрдэнэт хотынхоо иргэд, эрхэм хүндэт зочид, төлөөлөгчид, наадамчин олон та бүхэндээ Үндэсний их  баяр, Монгол  наадмын мэндийг дахин хүргэж, эр бяр, хурд шандас, цэц  мэргэний гайхамшгийг харуулж, баяр цэнгэлээр дүүрэн, цог хийморьтой, элбэг тэнүүн наадахын өлзийтэй ерөөлийг өргөн дэвшүүлье.

ОРХОН АЙМАГ, ЭРДЭНЭТ ХОТ ЦЭЦЭГЛЭН ХӨГЖИХ БОЛТУГАЙ.

 

ОРХОН АЙМГИЙН

 

ИРГЭДИЙН ТӨЛӨӨЛӨГЧДИЙН ХУРЛЫН

ДАРГА                       Б.МЯГМАРСҮРЭН

АЙМГИЙН ЗАСАГ ДАРГА БӨГӨӨД
ЭРДЭНЭТ ХОТЫН ЗАХИРАГЧ

С.ДАНГААСҮРЭН

 

БАЯН-ӨНДӨР СУМЫН ЗАСАГ ДАРГЫН МЭНДЧИЛГЭЭ

Монголын төрт улс үүссэний 2224 жил Их Монгол улс байгуулагдсаны 809 жил, Ардын хувьсгалын 94 жил, Баян-Өндөр сум байгуулагдсаны 21 жил, Төрт ёсны их баяр цэнгэл, монгол наадам, миний Монголын дөрвөн зүг, найман зовхист ёслол төгөлдөр, сүр жавхлантай болж, айл өрх, хүн бүрт баяр баясгалан, аз хийморь бэлэглэх болтугай! Нар хур тэгширсэн наадмын сайхан өдрүүдэд идэр чийрэг бөхчүүд маань хүчтэй, эргэмэг шандаст хүлгүүд нь хурдан, цэц магнай харваачид нь мэргэн байж хотол түмнээрээ сайхан наадаарай. Улс үндэснийхээ их баяр наадмын гал халуун мэндчилгээг өргөн дэвшүүлэе!

БАЯН-ӨНДӨР СУМЫН ЗАСАГ ДАРГА И.БААСАНЖАВ

 

 

Холбоотой мэдээлэл

2019-11-01 1825
ХЯНАЛТ ШИНЖИЛГЭЭ, ҮНЭЛГЭЭНИЙ ОНОЛ АРГА ЗҮЙН СУРГАЛТ БОЛЛОО

Орхон аймгийн ЗДТГ-аас өнөөдөр төрийн байгууллагуудын хүний нөөц, дотоод хяналт шинжилгээ, үнэлгээ хариуцсан ...

2019-08-26 11433
“ИРГЭДИЙГ ТҮРЭЭСИЙН ОРОН СУУЦАНД ХАМРУУЛАХ ЖУРАМ”-ЫН ТӨСӨЛД САНАЛ АВЧ БАЙНА

Монгол Улсын Засгийн газрын 2015 оны 248 дугаар, 2019 оны 138 дугаар тогтоолоор батлагдсан “Түрээсийн ...

2017-07-05 1609
ҮЕРТ ӨРТСӨН 10 АЙЛД ГЭР ОЛГОЛОО

6 дугаар сарын 28-ны өдрийн 22 цаг 23 минутын орчимд дуу цахилгаантай хүчтэй аадар бороо, мөндөр орж, ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.253.192
2021-06-10-ний өдрөөс хойш.
  • 9 Онлайн
  • 413 Өнөөдөр
  • 3039 Өчигдөр
  • 6538 Долоо хоногт
  • 100122 Сүүлийн сард
  • 6358098 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар