3 сая дахь иргэнд 2 өрөө байрны түлхүүр гардууллаа

      2015 оны эхээр Монгол улс гурван сая дахь иргэнээ хүлээн авсан. Монгол улсын ерөнхийлөгчийн зарлигаар Монгол улсын гурван сая дахь иргэний үе чацуутнаар аймаг бүрт нэг хүүхдийг тодруулан 70 сая төгрөг болон үүнтэй дүйцэхүйц өртөг бүхий орон сууцаар шагнах, мөн тус өдөр төрсөн бүх хүүхдүүдэд 3 сая төгрөгийн нэг удаагийн тэтгэмж үзүүлж алдаршуулах ажлыг Аймаг орон нутгийн удирдлагуудад үүрэг болгосон юм. Манай аймгийн 3 сая дахь иргэний үе чацуутан Яргуйт багийн иргэн Г. Баясгалан, Э. Лхагвадулам нарын гэр бүлд мэндэлсэн бөгөөд өнөөдөр 3 сая дахь иргэний үе чацуутан Б.Гурванмарал охин  болон түүний эцэг эхэд нь “Төгөл гарден”-д 44,83м2 талбай бүхий  2 өрөө орон сууцны үл хөдлөх хөрөнгө өмчлөх эрхийн улсын бүртгэлийн гэрчилгээг /ордер/, байрны түлхүүрийн хамт Орхон аймгийн засаг дарга бөгөөд Эрдэнэт хотын захирагч С.Дангаасүрэн  гардуулан өглөө. Б.Гурванмарал охин энэхүү баярт мөчид ээжийнхээ гар дээр бумбайчихаад унтаж байсан нь бяцхан охины бас нэгэн өхөөрдөм төрхийг зургийн хальснаа буулгах боломж олгосон юм. Орхон аймгийн засаг дарга С.Дангаасүрэн, ИТХ-ын дарга Мягмарсүрэн, ИТХ-ын төлөөлөгч Д.Доржпүрэв нар 3 сая дахь иргэндээ сайн сайханыг хүсч, Эрдэнэт хотын ирээдүй болсон хүүхэд багачууд эрүүл энх өсөн торнихын өлзийтэй ерөөлийг дэвшүүлсэн юм. Б.Гурванмарал охины аав нь Өмнөговь аймагт ажилладаг бөгөөд гэртээ ирэх үед нь шинэ байрандаа нүүнэ хэмээн охины ээж бидэнд ярьсан.    Монгол улсын 3 сая дахь иргэн мэндэлсэн 1-р сарын 24-ний өдөр улсын хэмжээнд 181 хүүхэд төрсөн бөгөөд Орхон аймагт 11 хүүхэд мэндэлжээ. Харин гурван сая дахь иргэний хамгийн ойрын  үе чацуутан Б.Гурванмарал охин ийнхүү эцэг эхийнхээ хамт Төгөл гарденд шинэ байртай болж байна. Эх үрс хамтдаа эрүүл энх, амар амгалан, аз жаргалтай, элэг бүтэн, энх тунх байж Монголын үрс маш олон болтугай.
Орхон аймгийн ЗДТГ-ын хэвлэл мэдээлэл олон нийттэй харилцах албанаас мэдээллээ. 

 

 

Холбоотой мэдээлэл

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 9 Онлайн
  • 1264 Өнөөдөр
  • 1539 Өчигдөр
  • 1264 Долоо хоногт
  • 11967 Сүүлийн сард
  • 6450241 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар