Санхүүгийн хяналт, аудитын албаны үйл ажиллагааны төлөвлөгөөний 1 дүгээр улирлын биелэлт

  

   Санхүүгийн хяналт, дотоод аудитыг 2015-2017 онд хөгжүүлэх дунд хугацааны төлөвлөгөөг 5 стратеги зорилтын хүрээнд 19 хөтөлбөр, арга хэмжээг хэрэгжүүлэхээр боловсруулан аймгийн Засаг даргаар 3 дугаар сарын 10-нд батлуулсан. Мөн Дотоод аудитын мэргэжлийн практикийн Олон улсын стандарт, дотоод аудитын дүрэм, гарын авлагын дагуу “САНХҮҮГИЙН ХЯНАЛТ, ДОТООД АУДИТЫН ДУНД ХУГАЦААНЫ ТӨЛӨВЛӨГӨӨ”-г байгууллагын түүхэн товчоо, байгууллагын зорилго, санхүүгийн хяналт шалгалт, дотоод аудитын хамрах хүрээ, эрсдэлийн үнэлгээ, санхүүгийн хяналт, дотоод аудитын аргачлал гэсэн дэд бүлэгтэйгээр боловсруулан батлуулсан.
Төлөвлөгөөний гүйцэтгэл, үр дүн:
        2015 оны эхний улиралд 8 төсөвт байгууллага, 3 тусгай сан, 8 төрийн өмчийн оролцоотой хуулийн этгээд гэсэн нийт 19 байгууллагад төлөвлөгөөт хяналт шалгалт хийхээр төлөвлөсөн бөгөөд гүйцэтгэлээр 17 байгууллагад төлөвлөгөөт шалгалтыг 100 хувь,  2 байгууллага буюу 10-р, 16-р цэцэрлэгт хийж буй төлөвлөгөөт шалгалт 80 хувийн гүйцэтгэлтэй ханган ажиллаж төлөвлөгөөний биелэлт 97.9 хувьтай байна.

        Сангийн яамны Төсвийн хяналт, эрсдэлийн удирдлагын газар, Аймгийн Засаг дарга, ЗДТГ буюу удирдах дээд байгууллагын шийдвэр хүсэлтээр 2 байгууллага, 2 хөрөнгө оруулалтын ажилд төлөвлөгөөт бус хяналт шалгалт, дотоод аудит гүйцэтгэсэн болно.  
     Тайлант хугацаанд 78 зөрчил илрүүлж 36 зөрчлийг газар дээр нь арилгуулж, үлдсэн зөрчилд улсын байцаагчийн  8 заалт бүхий хугацаатай 8 албан шаардлага, 10 зөвлөмж хүргүүлэн, 24 нөхөн төлбөрийн акт тогтоон хариуцлага хүлээлгэн хэрэгжилтийг хангуулах хугацаа тавин ажиллаж байна.
Төлөвлөгөөт хяналт шалгалтаар нөхөн төлбөр ногдуулсан 8,672.6 мянган төгрөгийн 24 акт тогтоож, тайлант хугацаанд  2,373.2 мянган төгрөгийн 8 актын төлбөрийг орон нутгийн хүү торгуулийн орлогын 210000952 тоот дансанд барагдуулж, актын биелэлт тооны хувьд 34 хувь, мөнгөн дүнгийн хувьд 28 хувьтай,  хугацаа болоогүй 6,299.4 мянган төгрөгийн 16 актын үлдэгдэлтэй байна.
Өнгөрсөн онд МХГ-аас тус алба тусгаарлан тайлан гаргасан 11 дүгээр сарын 1-ны дүнгээр 4,829.6 мянган төгрөгийн 8 байгууллагад холбогдох нөхөн төлбөрийн акт манай албанд шилжиж ирснийг баталгаажуулж өмнөх оны үлдэгдлээр бүртгэсэн болно.
Тайлант хугацаанд өмнөх оны үлдэгдэл актаас 5 байгууллагад холбогдох 3,365.6 мянган төгрөгийн 5 акт 100 хувь биелсэн, ХГБХХэлтэст хариуцуулсан 1058.1 мянган төгрөгийн нөхөн төлбөрийн актын 121.8 мянган төгрөг барагдаж 936.3 мянган төгрөгийн үлдэгдэлтэй мөн 4-р цэцэрлэг, Онцгой байдлын газарт хариуцуулсан 405.9 мянган төгрөгийн 2 акт хугацаа хэтэрсэн тул Шүүхийн байгууллагад шилжүүлэхээр төлөвлөн ажиллаж байна.
       Сангийн яамнаас 2014 оны 12-р сарын 15-ны өдөр зохион байгуулсан Шилэн дансны хуулийн талаарх сургалтад албаны 8 албан хаагч,  2015 оны 01-р сарын 08-ны өдөр Авлигалтай тэмцэх газраас  зохион байгуулсан Хувийн ашиг сонирхол, хөрөнгө орлогын мэдүүлэг гаргах тухай сургалтанд Төрийн захиргааны 6 албан хаагч, 2015 оны 03 сарын 17-ны өдөр Сангийн яамнаас зохион байгуулсан Орон нутгийн төсөвлөлтийг сайжруулах, чадавхыг бэхжүүлэх сургалт семинарт 5 албан хаагчийг хамрууллаа. Мөн Мэргэшсэн нягтлан бодогчдын институтээс зохион байгуулсан тасралтгүй боловсролын хөтөлбөрийн дагуу 2015 оны 3-р сарын 25-29-ны хооронд санхүүгийн хяналтын улсын байцаагч Д.Цэрэннадмид сургалтанд хамрагдаад байна.
      Шилэн дансны тухай хуулийн дагуу www.shilendans.mn сайтад АИТХ-аас баталсан албаны 2015 оны төсөв,  3-р сарын төсвийн гүйцэтгэлийг өссөн дүнгээр мэдээлсэн.
www.erdenet.mn сайтад байгууллагын танилцуулга, үйл ажиллагааны чиглэл, зорилго, бүтэц зохион байгуулалт, албан хаагчдын ажлын өрөө, албаны утасны дугаарыг байршуулсан. Мөн сар бүр санхүүгийн болон дотоод аудитын хяналт шалгалтын тайлан мэдээг оруулж байна. Эхний улирлын байдлаар 12 хяналт шалгалтын тайлан мэдээлэл нийтлэгдсэн байна. Нийтлэгдсэн мэдээлэлд хандсан хэрэглэгчдийн хандалтын тоо 990 хүрсэн байна.
 

 

Холбоотой мэдээлэл

2016-06-20 2961
ОНЦГОЙ БАЙДЛЫН ГАЗРЫН ТҮҮХТ 40 ЖИЛИЙН ОЙ ӨНӨӨДӨР ТОХИОЖ БАЙНА

Нийгмийг аюулаас хамгаалах яамны сайдын 1976 оны 06 дугаар сарын 21-ний өдрийн 399 дүгээр тушаалаар Эрдэнэт ...

2015-05-07 1507
Бүсийн оношлогоо эмчилгээний төв дээр хавдрын үзлэгүүд хийгдэж байна.

Хавдрын эсрэг үндэсний аяны хүрээнд өнөөдөр 14 цагаас сайн дурын идэвхтний сургалт болох юм

2015-07-01 1264
“Унадаг дугуйтай Эрдэнэт” төслийн талаар санал асуулга явагдаж байна

Орхон аймаг эрдэнэт хотын 40 жилийн ойг угтан зохиогдох 40 бүтээлч ажлын хүрээнд хэрэгжих Унадаг дугуйтай ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 32 Онлайн
  • 3861 Өнөөдөр
  • 3423 Өчигдөр
  • 26018 Долоо хоногт
  • 203212 Сүүлийн сард
  • 6242432 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар