Нийгмийн хөгжлийн хэлтсийн долоо хоногийн мэдээ /2015.03.09-13/

 

ХЭЛТСЭЭС ТӨЛӨВЛӨСӨН АЖЛУУДЫН БИЕЛЭЛТ:
•    Аймгийн Засаг даргын нэрэмжит түүхийн анги нийтийн олимпиадын шагнал гардуулах арга хэмжээг зохион байгуулах
- Аймгийн Засаг даргын нэрэмжит Монголын түүхийн хичээлийн анги нийтийн чанарын уралдааны шагнал гардуулах арга хэмжээг 3-р сарын 11-ний өдөр лаборатори VIII сургууль дээр зохион байгууллаа. Арга хэмжээнд аймгийн Засаг даргын орлогч, АЗДТГ-ын НХХ-ийн дарга, сургуулийн захирал, холбогдох бусад хүмүүс оролцсон.
•    Самбо бөхийн улсын аварга шалгаруулах тэмцээн Орхон аймагт зохион байгуулагдахтай холбогдуулан бэлтгэл хангах
- Самбо бөхийн улсын аварга шалгаруулах тэмцээнийг Орхон аймагт зохион байгуулах бэлтгэлийг хангаж, ажлын хэсэг байгуулагдсан.
•    Дэлхийн эмч нарын баярын угтсан ажлуудын хүрээнд эрүүл мэндийн салбарын хэмжээнд өвчний түүх бичилт, жирэмсний хөтөч карт, эмийн жор бичилтийн аян, гар бөмбөгийн тэмцээн зохион байгуулах
- Сувилахуйн албанаас  аюулгүй тарилгын хэлэлцүүлгийг салбарын нийт сувилагч тусгай мэргэжилтэн, удирдлагуудыг хамруулан зохион байгуулж, ”Нийгмийн  эрүүл мэндийг дэмжих үйл ажиллагаанд эрүүл мэндийн байгууллага бүр идэвхтэй  оролцгооё” уриалга гаргалаа.
- Эрдэм шинжилгээ, судалгааны зөвлөл нь АУШУИС-ын багш нарыг урьж, “Эрүүл мэндийн судалгааны арга зүй” сэдвээр нийт 60 эмч, эмнэлгийн тусгай мэргэжилтэнд  2 кредитийн сургалт зохион байгуулсан.
Төлөвлөгдөөгүй хийгдсэн ажлууд:
•    Гэр хорооллын багуудын дунд байгуулж буй "Хүүхэд хөгжил төв"-ийн бэлтгэл ажил бүрэн хангагдаж, 3-р сарын 13-ны өдрөөс хүүхдүүдээ авч эхэлсэн. 
•    Хүний эрхийн үндэсний комиссоос морины уралдааны талаар ирүүлсэн шаардлагыг орон нутгийн хэвлэл мэдээллийн хэрэгслүүдээр болон "Эрдэнэт хүлэг” морин спорт уяачдын холбоонд хүргүүлэн, шаардлагыг хэрэгжүүлж ажиллах үүрэг чиглэл өглөө. 
•    Монголын үндэсний түүхийн музейтэй хамтран Айргийн гозгорын археологийн олдвороор 3 дугаар сарын 11-ний өдөр үзэсгэлэн зохион байгууллаа. Үзэсгэлэнгийн үеэр Монголын үндэсний түүхийн музейн археологийн секторын эрхлэгч Ц.Одбаатар ерөнхий боловсролын сургуулийн сурагчдад лекц уншлаа.
•    11-р цэцэрлэгийн эрхлэгч М.Батцэцэг өөрийн хүсэлтээр ажлаас чөлөөлөгдсөн тул түүний оронд сонгон шалгаруулалтаар тэнцсэн Д.Эрдэнэчимэг томилогдож, ажлыг хүлээлцүүлсэн.
•    Аймгийн эдийн засаг, нийгмийг хөгжүүлэх үндсэн чиглэлийг хэрэгжүүлэх зорилгоор хорт хавдартай иргэний гэрээр очиж хөнгөвчлөх үйлчилгээ үзүүлэх ажлыг зохион байгуулахаар Дэнж багийн Элит хотхоны 1-р байрны 1 тоот байранд үйл ажиллагаа явуулж буй “Манал” үүдэн эмнэлэгтэй хамтран ажиллах гэрээ байгууллаа.
    2014 онд 13.0 сая төгрөгийн хамтран ажиллах гэрээ байгуулан, эмчийн үзлэг 266 хүнд, үүнээс гэрийн үзлэг 145, идэвхтэй хяналтын үзлэг 121 хүнд хийж, сувилахуйн тусламж үйлчилгээ 109, сэтгэл заслын тусламж үйлчилгээ 378 хүнд үзүүлсэн. Тусламж үйлчилгээ авсан иргэдийн насны байдлаар авч үзэхэд 30 болон түүнээс дээш насны иргэд 90 хувь нь байгаа нь энэ насны иргэдэд хавдрын өвчлөл их байгааг харуулж байна.
•  Анхдагчдад олгож буй 100,0 мянган төгрөгийг банкнуудтай тулгалт хийж, дансны зөрүүг гаргуулан дуусгахаар ажиллаж байна. Анхдагчдын холбоодоос ирсэн анхдагчдын үндсэн материалыг үдэж, архивлах ажлыг хийлээ.
•    Орон гэргүй тэнэмэл иргэдийг түр байрлуулан нийгэмшүүлэх үйлчилгээ үзүүлж буй байгууллагад 2015 оны 1-р сараас 2-р сар хүртэлх хугацааны санхүүжилт болох 8,4 сая төгрөгийг орон нутгийн төсвөөс гаргах шийдвэрийг гаргуулсан.
•    Нийгмийн салбарын чиглэлээр санал ирүүлсэн 50 гаруй төрийн бус байгууллагын саналыг нэгтгэн, хэлтэст квотлон өгсөн мөнгөнөөс хэтрүүлэхгүйгээр хэлтсийн зүгээс оруулах саналаа нэгтгэсэн.
Ирэх долоо хоногийн төлөвлөгөө:
Хэлтсийн хэмжээнд
•    Ерөнхий боловсролын сургуулийн захирал, цэцэрлэгийн эрхлэгч нартай үр дүнгийн гэрээ байгуулах
•    Хүүхэд хөгжил төвийн нээлтийг хийх 3-р сарын 16-ний 15.00 цагаас хийх
•    Хүүхдийн “Уран жиргээ” шүлгийн  аймгийн уралдаан 3-р сарын 20-ны өдөр болно. 
•    БОЭТ-ын тасгуудад  яаралтай тусламжийн чиглэлээр удирдамжит хяналт хийх
•    Эрүүл мэндийн салбарын өмнө тулгамдаж буй асуудлуудыг тодорхойлж, хэрэгжүүлэх арга хэмжээ, үйл ажиллагааг сайжруулах, орон нутагт эрдэм шинжилгээ, судалгааны ажлыг эрчимжүүлэх зорилгоор аймгийн нийт эмч, эм зүйч нарын дунд аймгийн Засаг даргын нэрэмжит болгон “Эрдэм шинжилгээний бага хурал”-ыг  3 дугаар сарын 20-нд зохион байгуулах

Боловсрол, соёлын газрын мэдээлэл:

•    Монголын түүхийн хичээлийн “Анги нийтийн чанарын уралдаан”-ы шагнал гардуулах арга хэмжээ лаборатори VIII  сургууль дээр зохион байгуулагдав. Тус арга хэмжээнд аймгийн Засаг даргын орлогч Д.Энхбат, АЗДТГ-ын НХХ-ийн дарга Б.Нацагдорж, мэргэжилтэн Г.Уянга, сургуулийн захирал, менежерүүд оролцсон.
•    Орхон аймгийн Засаг даргын захирамжийн дагуу 11-р цэцэрлэгийн эрхлэгчийн ажлыг хэлэлцүүллээ. Эрхлэгчээр Дашдондог овогтой Эрдэнэчимэг томилогдов.
•    БСГ-ын даргын өгсөн чиглэлийн дагуу ажлын хэсэг гарч,  2015 оны 3 сарын 9-11-ний өдрүүдэд цэцэрлэгүүдэд суурилуулсан камержуулалтын ажиллагааны явцтай танилцлаа. 8 цэцэрлэгийн 84 камерын үйл ажиллагааг газар дээр нь үзэж, цэцэрлэгүүдийн бүлэг болон бусад онцгой объект, хэсгүүдэд камер хэрхэн тавигдсан болон ашиглагдаж байгаа байдлын талаар судалгаа авч нэгтгэв. Төрийн өмчийн 25 цэцэрлэгийн 203 бүлгээс 8 цэцэрлэгийн 49 бүлгийг хамруулсан нь цэцэрлэгийн 32%, бүлгийн 24% болж байна. Цэцэрлэг тус бүрд 12 ширхэг камер тавигдсан. Эрхлэгч нарын өрөө болон жижүүрүүд байрлах хэсэгт хянах хэсгийн дэлгэцийг, бүлэг бүрийн танхимын хэсэг, хоолны заал, гал тогоо, үүдний хэсэг, коридор, гадаа талбайн үүдний хэсэгт камеруудыг байрлуулсан байна.
•    2015 оны багшаар ажиллах эрхийн шалгалтын бүртгэл онлайнаар явагдаж бүртгэлд Орхон аймгаас 70 багш бүртгүүлсэн. 3 сарын 14-нд шалгалтыг онлайнаар Технологийн сургуулийн мэдээллийн төвд зохион байгуулна. Шалгалтын хуваарийг  ТҮ10 телевизээр дамжуулан шалгуулагчдад түгээсэн. Шалгалттай холбоотой асуудлаар шалгуулагчдад зөвлөгөө өгсөн.
•    Мэргэжлийн зэрэгт орох багш нарын ажил төрлийн цуглааныг  зохион байгуулсан.  Мөн уг ажлын хүрээнд мэргэжлийн зэрэгт орох 12 багш хичээлийн жилийн 4 дүгээр улиралд багтаан аймгийн хэмжээнд үзүүлэх хичээл заах үүрэг даалгавар өгсөн.
•    БМДИ-ийн захирлын 2014 оны 10 дугаар сарын 21-ний өдрийн 1/330 дугаар албан бичигт зааснаар  багшийн ур чадварын уралдааныг  нэгжийн түвшинд  гуравдугаар улиралд   багтаан зохион байгуулж I шатны дүн мэдээ, шалгарсан хичээлийг  сургууль, цэцэрлэгүүдээс авч нэгтгэлээ. Ур чадварын уралдааны II шатанд 13-н  ЕБС-ийн 144 багшийн хичээл, 24 цэцэрлэгийн 25 хичээл ирсэн байна. БСГ-аас баг гарч ирсэн хичээлүүдийг цахим хуудсанд байршуулан  үнэлгээ дүгнэлт өгөх ажлыг онлайнаар зохион байгуулах юм.
•    БМДИ-ээс зохион байгуулдаг багш нарын мэргэжил дээшлүүлэх үндсэн сургалтын хуваарийн дагуу  3 сарын 10-аас эхний жилдээ ажиллаж байгаа СӨББ-ын эрхлэгч 1,  арга зүйч 4 хүн сургалтанд  хамрагдаж байна.
•    Нийгмийн ажилтан, хүүхдийн хөгжил төлөвлшлийн менежерийн ажил төрлийн цуглаан хийж, сурагчдын амралтыг зохистой зохион байгуулах, сургуулийн гамшгийн эрсдэлийн үнэлгээ хийх, “Ирээдүйн төлөө хамтдаа” ажлын төлөвлөлтийн хүрээнд  хамрагдсан зорилтот гэр бүлийн хүүхдэд чиглэсэн ажлыг эрчимжүүлэх, унаач хүүхдүүдийн  хичээл сургалтын үйл ажиллагаанд үнэлгээ хийх, анги удирдсан багштай хамтран ажиллах талаар чиглэл өглөө.
•    80 цагийн бэлтгэл хөтөлбөрийг хэрэгжүүлэх төлөвлөгөө нэгжээс авч нэгтгэн БСШУЯ-нд  хүргүүлсэн.
•    Монгол хэлний  10-р ангийн анги нийтийн масс олимпиадын дүнд анализ, үнэлгээ, дүгнэлт хийлээ. Нийт  16 сургуулийн 52 бүлгийн 1400 сурагч оролцож, Масс сургалттай шилдэг ангиар дараах ангиуд шалгарлаа. Үүнд:
1- р байр Монгол-Туркийн хамтарсан сургууль 10а бүлэг                                                 
2- р байр ЦХГ сургуулийн 10а, “Эрдэнэт” цогцолбор сургуулийн 10а
3- р байр 8- р сургуулийн 10а, “Эрдэнэт” цогцолбор сургуулийн 10г
Монгол-Туркийн хамтарсан сургууль 10а бүлэг,
Тусгай байрыг “Орхон” цогцолбор сургуулийн 10а бүлгүүд тэргүүллээ.
•    Монгол хэлний масс сургалттай багшаар Ч.Бурмаа, Х.Тамир, С.Отгонгэрэл, О. Ариунтуяа, Э.Энхчимэг нар шалгарлаа.
•    18-р цэцэрлэг “Тэжээллэг хоол” сэдэвт цагаан хоолны өдөрлөгийг зохион байгуулав.Тус өдөрлөгт БСГ-ын мэргэжилтэн Л.Тайвантуул, “Нийцэл”  өрхийн эмнэлгийн арга зүйч эмч Оюунчимэг, тус цэцэрлэгт хүүхдээ сургаж хүмүүжүүлж байгаа эцэг эхийн төлөөлөл 35 хүн, орон тооны бус хяналтын зөвлөлийн гишүүд зэрэг 45 хүн хамрагдлаа.Тус өдөрлөгөөр эцэг эхчүүдэд цэцэрлэгт өгч байгаа хүүхдийн нэг өдрийн хоол хүнсний илчлэг, агууламж, сард хэрэглэж буй хоол хүнсний материалын таталт, гэрээт байгууллагын тухай танилцуулга, хамтран ажиллаж байгаа байдал, цагаан хоолыг хэрхэн амт чанартай хийх зэргээр сургалт, сурталчилгааг хийж амталгаа явуулснаар өдөрлөгт оролцож буй эцэг эхчүүдийн сэтгэл ханамж хэр зэрэг байгаа талаар судалгаа авах зэргээр зохион байгуулав.Энэ өдөрлөгт хамрагдсан бүлгүүдийн эцэг эхийн төлөөлөл сүүлийн үед цэцэрлэгийн хоолны  амт чанар илт сайжирсан, энэ талаар мэдээлэл их өгдөг болсон,12 сард эцэг эхийн нэг өдрөөр хоолны талаар сайн мэдэж авсан, мөн хүүхдүүдэд өгч  буй  хоолоор амталгаат сургалт явуулсанд баяртай байгаагаа илэрхийлж байв.
•   Дархан-Уул аймгийн дуу хөгжмийн мэргэжлийн багш нарын туршлага судлах  ажил тодорхойгүй хугацаагаар хойшилсон.
•    2015 оны 03-р сарын 12-ны өдөр ЕБС-ийн 27 багш нар ТС-ийн “Ирээдүйн гарц” техникийн клубын үйл ажиллагаатай танилцаж, туршлага судаллаа.
•    2015 оны 03-р сарын 13-ны өдөр суурь боловсролын дизайн технологи, дүрслэх урлагийн судлагдахууны баг болон ЗАН-ын ахлагч нарт сургалт зохион байгууллаа. Сургалтыг лаборатори 8-р сургуулийн багш нар хийсэн. Сургалтын дараа шинэчилсэн хөтөлбөрийн хэрэгжүүлэх бэлтгэл ажлыг хангах ажлын төлөвлөгөөг хэлэлцэн баталлаа.
•    АНУ-ын Энх тайвны корпусын сайн дурын мэргэжилтэн багш нартай хамтран 2014-2015 оны хичээлийн жилд зохион байгуулах арга зүйн сургалтын хуваарийн дагуу “Сурагчдыг олимпиадад хэрхэн бэлтгэх вэ?” сэдэвт сургалтыг англи хэлний хичээл ордог багш нарт явууллаа. Бүх ерөнхий боловсролын  сургуулийн 48 багш оролцон, “Сурагчдын унших, бичих, сонсох, ярих чадварыг хөгжүүлэхэд анхаарах зарим асуудал”, “ Эссе хэрхэн бичих”, “Тестийг хэрхэн хийх”   ярилцан, хичээлд хэрэглэж болох  зарим тоглоомыг зааж өглөө.
•    Монгол хэлний ЗАН- ийн ахлагч нарт суурь боловсролын шинэчилсэн хөтөлбөрийн үзэл санаа, агуулга, арга зүйгээр сургалт явууллаа.
•    2015 оны 03-р сарын 12-13-ны өдрүүдэд ЕБС-ийн бага ангийн сургалтын менежерүүд Улаанбаатар хотод туршлага судлахаар явсан.
•    Суурь боловсролын  цөм хөтөлбөрийг орон нутагт хэрэгжүүлэх  газар зүйн хичээлийн судлагдахууны багийн  ажил төрлийн цуглаан хийж, үйл ажиллагааны төлөвлөгөө батлууллаа.
•   Суурь боловсролын цөм хөтөлбөрийг хэрэгжүүлэх бэлтгэл ажлын  хүрээнд  Гадаад хэлний цөм хөтөлбөрийг бүх багш нарт хүргэх, түгээн дэлгэрүүлэх зорилгоор “Баян-Өндөр”, “Орхон”, 8-р сургууль дээр сургалт зохион байгууллаа. Сургалтанд нийт 84 гадаад хэлний багш нар оролцон, үзүүлэх хичээлд суун, хэлэлцүүлэг хийлээ.
•    Байгалийн ухааны суурь боловсролын цөм хөтөлбөрийг хэрэгжүүлэх бэлтгэл ажлыг хангах, арга зүйг түгээн дэлгэрүүлэх ажлын хүрээнд:
Цөм хөтөлбөрийг хэрэгжүүлэх арга зүйг түгээн дэлгэрүүлэх, бага дундын байгалийн ухааны хичээлийн залгамж холбоог сайжруулах зорилготой 4 удаагийн хичээл зааж хэлэлцүүлэг хийх ажлыг зохион байгуулсан.
Үүнд:
-    Лаборатори 8 дугаар сургуулийн биологийн  багш Б. Минсэл, Д. Долгор нарын 2 цагийн  хичээлд  сууж, хэлэлцүүлэг зохион байгуулсан. Уг үйл ажиллагаанд Наран цогцолбор сургууль , 7, 18,2, 14, Эрдэнэт цогцолбор сургууль, Орхон цогцолбор сургуулийн 8 биологийн багш нар хамрагдсан.
-    Лаборатори 8 дугаар сургуулийн бага ангийн багш Баяртүвшингийн Хүн-Байгаль судлагдахууны хичээлд сууж, хэлэлцүүлэг зохион байгуулсан. Уг  хичээлд  бага боловсролын 4, байгалийн ухааны мэргэжлийн  10 багш хамрагдсан
•    Тусгал" телевизтэй хамтран явуулдаг  Монгол хэл, бичгийн TV хичээл хуваарийн дагуу заагдаж байна.

•  2015 оны 03 дугаар сарын 06-ны өдөр Орхон аймгийн музей, Зэвсэгт хүчний 186-р ангитай хамтран хугацаат цэргийн алба хаагчдын дунд “Яруу найргийн увдис” шүлгийн тэмцээн зохион байгууллаа. 
•  2015 оны 03 дугаар сарын 11-ний өдөр Айрагийн гозгорын археологийн олдвороор Орхон аймгийн Боловсрол, соёлын газар, Орон нутгийн Музей, “Монголын үндэсний түүхийн музей”, Уурхайчин соёлын ордны “Эрдэнэт арт” галлерейтай хамтран “Айргийн гозгорын дурсгалууд” үзэсгэлэн зохион байгууллаа. Үзэсгэлэнгийн үеэр Монголын үндэсний түүхийн музейн археологийн секторын эрхлэгч Ц.Одбаатар  “Айрагийн гозгорын хүннүгийн дурсгал”  лекц хичээлийг  ЕБС-ийн сурагчдад уншлаа.
•    “Монгол шүтээн” төвийн тэргүүн, айлдлын багш Л.Эш-Төмөрийн айлдвар, засал, даатгалын ном хурах үйл ажиллагааг  “Хүүхэд залуучуудын театр” үзвэрийн танхимдаа хүлээн авч зохион байгууллаа.
•    “Номын төв”-өөс Оросын алдарт яруу найрагч Сергей Есениний /1895-1925/ мэндэлсний 120 жилийн ойг тохиолдуулан “СЕРГЕЙ ЕСЕНИНИЙ АМЬДРАЛ, УРАН БҮТЭЭЛ”-тэй танилцах зорилготой олон талт тэмцээнийг МУИС-ийн Орос судлалын Орос хэлний багшийн II, III курсын ангийн оюутнуудтай хамтран зохион байгууллаа
•   “Номын төв” Орхон цогцолбор сургуультай хамтран тус сургуулийн VI ангийн 6 бүлгийн сурагчдын дунд  Олон улсын эмэгтэйчүүдийн баярыг тохиолдуулан “Ээжтэйгээ байх сайхан” шүлгийн тэмцээнийг зохион явууллаа
•    2015 оны 3-р сарын 06-ны өдөр номын төвийн нийтийн уншлагын танхимд зохиолч Н.Энхбаяр-ын  “Хүн чанарын суврага” номын нээлт боллоо. Уг арга хэмжээнд нийт 70 гаруй хүн хамрагдсан юм.
•  2015 оны 03 дугаар сарын 9, 11 өдрүүдэд ЗДТГ-ын дарга В.Сумъяасүх “Эрдэм” ахлах сургууль, ХАА-МСҮТ-ийн  100 гаруй сурагч, оюутан залууст “Занабазарын 380 жилийн ой”-г тохиолдуулан лекц уншлаа.
•   Олон улсын Эмэгтэйчүүдийн эрхийг хамгаалах өдрийг тохиолдуулан  Баянцагаан соёлын төв, “Дэлхийн зөн” олон улсын байгууллагатай хамтран  “Гайхамшигт эмэгтэйчүүд” сургалт, цэнгүүн, “Хүүхэд залуучуудын соёлын төв”  “Баярын мишээл” уралдаант цэнгүүн, Эгшиглэн соёлын төв “Март-8” хүндэтгэлийн арга хэмжээ, Жаргалант соёл мэдээллийн төв “Бүүвэй ээж” цэнгүүнийг тус тус зохион байгууллаа.

Нийгмийн халамж, үйлчилгээний чиглэлээр:
1. Өрхүүдэд амьжиргааны түвшин тодорхойлох судалгааны дахин үнэлгээгээр  2015 онд 884 өрхийн 4831 иргэнд хүнсний эрхийн бичгийн үйлчилгээнд хамрагдахаар болж, хүнсний эрхийн бичгээр үйлчлэх 13-н “Хүнсний дэлгүүр”-ийг сонгох шалгаруулан 1-3 сарын олголтыг  нөхөж 3 дугаар сарын 15-аас хийнэ. 

Нийгмийн даатгалын хэлтэс:
2015 онд 71222.6 сая төгрөгийг Нийгмийн даатгалын санд төвлөрүүлж орлого бүрдүүлэхээс өнөөдрийн байдлаар 9333,8 сая төгрөгийн орлого орсон байна.
Ажилласан жил тэтгэврийн даатгалын шимтгэл нөхөн тооцуулахаар  нийт 17039 иргэний баримт матералыг бүртгэн ажилласан байна. 11975 иргэний батламж буюу баталгаажилтын хуудас эзэддээ очсон. Нийт 14688 иргэний баталгаажилтын хуудас ирээд байна. 2014 онд бүртгүүлсэн 1211 хүний батламж ирсэн.

Хөдөлмөрийн хэлтэс:
1. Хөдөлмөрийн тухай хуулийн 111 дүгээр зүйлийн 111.1 дэх заалтын дагуу 25 ажилтан тутам 1 хөгжлийн бэрхшээлтэй иргэн болон одой иргэнийг ажиллуулна гэж заасан байдаг. Уг хуулийн хэрэгжилтийг хангах үүднээс хөгжлийн бэрхшээлтэй иргэн ажиллуулаагүй ААНБ-уудад ажилтан зуучлах зорилгоор аймгийн хэмжээнд ажил хөдөлмөр эрхлээгүй хөдөлмөрийн насны хөгжлийн бэрхшээлтэй иргэдийн судалгааг Орхон аймгийн хэмжээнд нэгтгэн гаргаж байна.

Хүүхэд, гэр бүлийн хөгжлийн хэлтэс:
1.    Гурван  сая дахь иргэн түүний чацуутнаар тодруулсан хүүхдүүдийн хадгаламжийн дэвтэр,батламж, Ачит эхийн батламж, дурсамж, гарын бэлэг зэргийг аймгийн Засаг дарга, ЗДТГ-ын дарга нар гардууллаа.
2.    ХОБ-н чиглүүлэгч  багш нарын “Хүүхдийн байгууллагын чиглүүлэгч багш” бэлтгэх сургалтыг 2015-03-13-ны өдөр Хүүхдийн ордонд зохион явууллаа. Сургалтанд ЕБС-н нийгмийн ажилтан, хөгжил төлөвшлийн менежер, сургуулийн эмч 40 хүн  оролцлоо.
3.    Монголын Оюутны холбоо, аймгийн БСГ-тай хамтран ЕБС-ийн ахлах ангийн 200 гаруй суралцагчдад “ Мэргэжил сонголт- эх орны ирээдүй” сэдэвт лекц зохион байгуулав.
Биеийн тамир, спортын газар
1.    Хүүхдийн спортын Y их наадмын хүрээнд Ширээний теннисний өсвөр үеийн аймгийн аварга шалгаруулах тэмцээн 03 сарын 7-8-нд “Б” зааланд 3 насны ангиллаар зохиогдон 7 сургуулийн 34 тамирчин хамрагдлаа.Тэмцээний нийлбэр дүнгээр
1-р байр 14-р сургууль
2-р байр Эрдэнэт цогцолбор сургууль
3-р байр 19-р сургуулийн баг тамирчид эзэлж тэмцээний аваргаар шалгарлаа.
Тус тэмцээний зааврыг 20 сургуульд тараасан боловч 7 сургууль хамрагдаж бусад сургуулиудын багш нар хүүхдээ бэлтгэж оролцуулсангүй.
2.    Засгийн газрын 2009 оны 05 тоот тогтоолын хүрээнд Эмч нарын баярт зориулсан волейболын тэмцээн 03 сарын 07-нд “А” зааланд зохиогдон эрэгтэй 4, эмэгтэй 6 багийн нийт 80 тамирчин оролцлоо.Тэмцээний
Эрэгтэй 1-р байр БОЭТ I баг   
                2-р байр БОЭТ II баг
                3-р байр Сувилалын баг
Эмэгтэй 1-р байр БОЭТ
                2-р байр Өрхийн холбоо
                3-р байр ЭМГ-ын баг тамирчид эзэлж тэмцээний аваргууд боллоо.
3.    Боксын өсвөр үеийн улсын аварга шалгаруулах тэмцээн 02 сарын 28-наас 03 сарын 07-ны өдрүүдэд Улаанбаатар хотод зохиогдон нийт 38 багийн 365 тамирчин хамрагдсан. Манай аймгаас Б.Пүрэв-Очир, Н.Баттулга багштай 23 тамирчин оролцож нийт 8 алт, 4 мөнгө, 4 хүрэл медаль хүртэн н.Пүрэв-Очир дасгалжуулагчтай Эрдэнэт боксын клуб 34,5 оноогоор улсад 2-р байр эзэлсэн амжилт үзүүлсэн.
4.    Цанын насанд хүрэгчдийн улсын аварга шалгаруулах тэмцээн 03 сарын 5-7-нд Улаанбаатар хотод зохиогдон нийт 10 багийн 60 гаруй тамирчин оролцсон.
Манай аймгаас О.Хүрэлбаатар дасгалжуулагчтай 4 тамирчин оролцож Т.Ариунболд 15 км-ийн зайд 5-р байр, Г.Бат-Эрдэнэ 30 км-ийн зайд 7-р байр эзэлсэн амжилт үзүүллээ.
5.    Биатлоны Олон улсын тэмцээн 03 сарын 5-7-нд Улаанбаатар хотод зохиогдон манай аймгаас тамирчин О.Уранбайгаль оролцож хүрэл медаль хүртсэн амжилттай байна.

Ирэх долоо хоногт хэлтэс, агентлагуудаас хийх ажлууд


БСГ:
•    БМДИ-ээс зохион байгуулдаг багш нарын мэргэжил дээшлүүлэх үндсэн сургалтын хуваарийн дагуу  3 сарын 16-аас 5 дахь жилдээ ажиллаж байгаа орос хэл, мэдээлэл зүй, физик, хими, биологи, газар зүй, монгол хэл, биеийн тамир, түүх нийгмийн ухаан, зураг технологи, математик, хөгжим, англи хэлний багш нарын сургалт явагдана.
•  Төгсөх 5,9,12-р ангиас БҮТ-өөс чанарын үнэлгээ, судалгаа  хийх зорилгоор түүвэр шалгалтыг 3 сарын 16-19-нд зохион байгуулна. 3 сарын 21-ний 12 цагаас 12-р анги төгсөгчдөөс авах монгол хэл, бичгийн  шалгалтыг БӨЦС дээр зохион байгуулахаар бэлтгэл ажлыг хангаж байна. Шалгалтын бүртгэлээр өмнөх оны 108, өдрийн ангийн 560 хүүхэд шалгалт өгнө
•  2015-2016 оны хичээлийн жилээс сургуулийн өмнөх боловсролын цөм хөтөлбөрийг  үндэсний хэмжээнд хэрэгжүүлэх бэлтгэл ажлыг хангах ажлын хүрээнд нийт цэцэрлэгийн удирдах ажилтан, багш нарт “Сургуулийн өмнөх боловсролын сургалтын цөм хөтөлбөр”-ийг хэрэгжүүлэх чадавхийг бий болгох зорилго бүхий сургалтыг 2015 оны 3 сарын 15-18-ны өдрүүдэд зохион байгуулахаар хуваарь гарган БСГ-ын даргаар баталгаажуулан, мэдээллийг БСГ-ын сайтаар дамжуулан цэцэрлэгүүдэд хүргэв.Сургалтыг Баян-өндөр,Орхон, 14-р сургууль, Эрдэнэт цогцолбор зэрэг сургуулиудын урлаг зааланд 3 хоногийн турш явуулах ба энэ сургалтанд төрийн болон төрийн бус өмчийн бүх хэлбэрийн 38 цэцэрлэгийн багш,арга зүйч , удирдах ажилтан нийт 323  хүн хамрагдана
•    Иргэдээс төрийн байгууллага албан тушаалтанд ирүүлсэн өргөдөл гомдлын тайлан мэдээ нэгтгэнэ.
•    Номын төвөөс Цэргийн баярт зориулсан үзэсгэлэн гаргана
•    Монголын зэсвэгт хүчний 94 жилийн ойд зориулан Зэсвсэгт хүчний 186-р анги, аймгийн цэргийн хэлтэстэй хамтран “Монгол цэргийн түүх” сэдэвт үзэсгэлэнг музейн үзэсгэлэнгийн танхимд 03/13-03/20-ны хооронд зохион байгуулна.
•    Л.Лхасүрэнгийн “Сарыг нуусан саваагүй бэлтрэг” хүүхдийн драмын жүжиг  тоглогдоно
•    Байгалийн ухааны суурь боловсролын цөм хөтөлбөрийг хэрэгжүүлэх бэлтгэл ажлыг хангах, араг зүйг түгээн дэлгэрүүлэх ажлын хүрээнд: хими, физикийн багш нарын хичээлд  багш нарыг суулгах, хэлэлцүүлэг зохион байгуулах
•   Хадгалалт ба хугацаа нь дууссан химийн бодисын жагсаалт гарган Аймгийн мэргэжлийн хяналтын газарт уламжлан устгуулах ажлыг зохион байгуулна
•  Хүүхдийн байгууллагын 90 жилийн ой угтсан “Хүүхэд, гэр бүл хөгжил хамгааллын төлөө сайн үйлсийн аян”-дэвтэр хүлээн авах арга хэмжээ болно.





 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2020-06-21 1625
УИХ-ЫН СОНГУУЛИЙГ ЗОХИОН БАЙГУУЛАХАД ОРХОН АЙМАГТ НИЙТ 500 ГАРУЙ ТӨРИЙН АЛБАН ХААГЧ АЖИЛЛАНА

УИХ-ын энэ удаагийн сонгууль дэлхий дахинаа COVID-19 вирусийн халдвар тархаад байгаа онцгой нөхцөл байдалд ...

2021-04-02 1073
ОРХОН АЙМАГТ ИРЭХ 7 ХОНОГТ ПСР ШИНЖИЛГЭЭНИЙ ШИНЭ ЛАБОРАТОРИ АШИГЛАЛТАД ОРНО

Монгол улсад коронавирусын халдвар тархсанаас хойш Орхон аймагт өнөөдрийн байдлаар нийт 137 тохиолдол ...

2014-01-23 1398
СХЗХ-ээс "Нээлттэй хаалганы өдөр" зохион байгуулаа:

Стандарчилал хэмжилзүйн хэлтсээс төрийн үйлчилгээний ил тод байдлыг хангах, үйл ажиллагааны хүртээмжтэй, ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.233.242.204
2021-06-10-ний өдрөөс хойш.
  • 52 Онлайн
  • 967 Өнөөдөр
  • 5198 Өчигдөр
  • 967 Долоо хоногт
  • 178161 Сүүлийн сард
  • 6217381 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  998

Facebook

Цаг агаар