Зуны цагийн хуваарьт шилжинэ

      Энэ сарын 09-ны Засгийн газрын 14-р ээлжит хуралдаанаар Монгол улсад зуны цагийн хуваарьт шилжих тухай тогтоолыг хэлэлцэж баталсан. Энэ тогтоолд :
      Жил бүрийн 3 дугаар сарын сүүлчийн долоо хоногийн Баасан гарагаас Бямба гарагт шилжих шөнийн 02 цагаас эхлэн 9 дүгээр сарын сүүлчийн долоо хоногийн Баасан гарагаас Бямба гарагт шилжих шөнийн 00 цаг хүртэлх хугацаанд Монгол Улсын нутаг дэвсгэрт цагийн тооллыг нэг цагаар урагшлуулан ажил, үйлчилгээ эхлэх цагийн хуваарийг хэвээр мөрдөж байхаар тогтоосон.  
     Монгол улс нь анх 1983 оноос эхлэн зуны нарны цагийг ашиглаж ирсэн бөгөөд энэ нь 1998 хүртэл нэг цагийг нэмэгдүүлэн баримталж байсан ба 1999-2001 оны хооронд завсарлаж, дахин 2001 оноос 2006 хүртэл баримталж байгаад больсон ба энэ оноос эхлэн ахин баримтлахаар болоод байна.
      Энэ жилийн хувьд 03-р сарын 27-28 шилжих шөнийн 02:00 цагаас эхлэн 1 цагийг нэмэгдүүлэн 09-р сарын 25-26 шилжих шөнийн 00:00 цагт дуусгавар болох бөгөөд цаашид жил бүр баримтлахаар тогтсон байна.

      Одоогоор дэлхийд ойролцоогоор 80 улс орнууд ямар нэгэн байдлаар зуны цагийн хуваарийг ашиглаж байгаа ба зарим улсад нутаг дэвсгэрийнхээ хэмжээнээс хамаарч зарим мужуудад хэрэглэдэггүй
      Анх 1784 онд Бенжамин Франклин өдрийн гэрэл ашиглах цагийг санал болгож байсан боловч орчин үеийн энэ хуваарь нь 1895 оноос л эхлэн хэрэгжиж байжээ. Тухайн үед Шинэ Зеландын судлаач Жорж Вернон Хадсон анх хоёр цагийн шилжилттэй цагийг санал болгож байсан байна. Харин Зуны цагийн хуваарьт голлон үүрэг гүйцэтгэсэн хүн бол Виллям Виллет юм. Тэрээр анх энэ цагийг зуны саруудад гаргах нь зүйтэй гэж 1905 онд санал дэвшүүлж байжээ. Энэ саналыг эрх баригчид нь хоёр жилийн дараа буюу 1908 онд анх танилцуулж байсан байна. Зуны цагийн хуваарийг Дэлхийн 1-р дайн хүртэл хуульчлалгүйгээр хэрэглэдэг байсан. Өнөөдрийн байдлаар энэ цагийн хуваарь нь стандарт цагаас үргэлж нэг цагийн зөрүүтэйгээр хэрэглэгддэг бол тухайн үед 30 минутын зөрүүтэйгээр, 2 цагийн зөрүүтэйгээр ашиглагддаж байжээ. Америкийн нэгдсэн улсад Дэлхийн 2-р дайны үед бүтэн жилийн турш ашигладаг байсан нь түүхэнд дайны цаг хэмээн тэмдэглэгдсэн байдаг.

         ХХ зууны эхэнд зуны цагийн хуваарийг танилцуулснаас хойш маш олон улс орнууд энэ хуваарийг зуны турш ашигладаг болсон. Харин энэ хуваарь нь нийгмийн чиглэлээр болон улс төрийн чиглэлээр маш их маргаан дагуулсаар ирсэн.
Давуу тал:
      Ихэнх хүмүүс үүнийг маш нааштайгаар хүлээн авдаг нь тэдэнд ажлаа тарж ирээд ашиглаж болохуйц чөлөөт цаг гарч ирдэг нь таатай байжээ. Хүүхдүүдэд эцэг эхтэйгээ өнгрөөх илүү цаг гарч ирэх нь тэдэнд сурлагадаа болон нийгэмшилд нь тустай хэмээн үздэг байна. Харин Лондонгийн зам тээврийн судалгаа шинжилгээний лабораториос үүнийг автын замын ослыг бууруулдаг гэж дүгнэсэн байна. Харин эрүүл мэндийн салбарынхан энэ цагийг хүн өөрийн бие бялдрынхаа хөгжилд зарцуулах таатай цаг хэмээн үзэж хүний нийгмийн идэвхийг сайжруулан чийрэгжүүлэх сайн талтай гэж дүгнэдэг байна. Мөн мэдээж энэ өдрийн нарны гэрлийг урт ашиглах боломж нь цахилгааны хэрэглээг бууруулан, энергийн хэмнэлтийг гаргана хэмээн үздэг байна. Манай улсын хувьд магадгүй агаарын бохирдлыг тодорхой хэмжээгээр бууруулах ч талтай байж болох юм. Канад, АНУ, Мексик, Аргентин гэх мэт улсуудад зуны цагийн хуваарь нь эрчим хүч болон байгалын хий зарцуулалтыг хэмнэх таатай нөхцөл бүрдүүлдэг гэж үздэг байна. Бразил улсад зуны цагийн хуваарь нь нэг жилийн цахилгааны хэрэглээний 1%-ийг хэмнэдэг гэсэн судалгаа гарчээ. Япон улсад зуны цагийн хуваарийн талаар сонирхолтой баримт байдаг нь энэ цагийг ашигласнаар 400,000 тонн нүүрс төрөгч агаарт цацагдахаас сэргийлдэг ба 930,000 сая литр шатахууныг хэмнэх сайн талтай гэсэн судалгаа гарчээ. Гэвч Калифорнын их сургуулийн судалгаагаар мужийн цагийг зуны цагийн хуваарт шилжүүлэхэд ард иргэдийн цахилгааны тооцоо жилийн дунджаар 8,6 сая доллароор нэмэгдэж байна гэсэн дүгнэлт гаргасан байна.
Ихэнх жуулчлалын агентлагууд зуны цагийн хуваарийг таатай хүлээн авдаг. Өмнөд Ирландын Бельфэст Телеграф сэтгүүлийн мэдээлэж байгаагаар энэ үед Өмнөд Ирланд улс жуулчлалын салбараасаа 6,34 саяын орлого олдог гэсэн судалгаа гаргасан байна. Өдрийн гэрлийн ашиглалтын хугацааг ингэж уртасгаснаар Британийн улсууд жуулчлалын идэвхийг 2 дахин өсгөдөг ба зуулчид улсын нийтийн тээвэр, ресторан үйлчилгээний газрууд болон фестивал үйл ажиллагаануудад жирийн үеэсээ 2 дахин их мөнгө зарцуулах магадлалтай болдог байна. Австрали улсад зуны цагийн хуваарийг мөрдлөгө болгохгүй гэж шийдсэнээс хойш аялал жуулчлалын салбар түлхүү хөгжсөн зүүн өмнөд бүсийн жуулчлалын байгууллагууд энэ шийдвэр биднийг сая сая долларын алдагдалд оруулж байна хэмээн үзэж буцаахыг шаардаж мөн улсаа бүсчлэн хувааж энэ цагийн хуваарийг мөрдөх санал ч хүргүүлээд байгаа юм байна. Зуны цагийн хуваарийг олон нийтээрээ хэрэглэх нь сайн ч, муу ч талуудтай боловч энэ нь хөгжиж буй улс орны эдийн засагт өндөр ач холбогдолтой гэж ихэнх судлаачид үздэг.

Дутагдалтай талууд:
      Энэ цагийн хуваарийг мөрдлөг болгоход харилцаа холбооны байгууллагууд асар их ачаалалд ордог ба комьпютер, гар утас зэрэг төхөөрөмжүүдийг гар аргаар тохируулах хэрэгтэй болж нийгэмд үл ойлголцол үүсгэдэг байна. Мөн жуулчдад нислэгийн цагийн хуваарь, бизнесийн ажилд нь нилээн төвөг учруулдаг байна.    

     Зарим улсуудад өглөө нь харанхуй хэвээр байдгаас болоод аюулгүй байдалд сөргөөр нөлөөлж байна хэмээн үздэг. Гватемаль улсад зуны цагийн хуваарьт шилжихэд сургуулийн хүүхдүүд харанхуйд хичээлдээ явах шаардлагатай болсноор эцэг эхчүүдийн зүгээс асар их гомдол илгээх болжээ. Өглөө эрт ч гэсэн харанхуйд ажил хичээлдээ явах болсон нь ард иргэдээ аюулд оруулж байна гэж үзэн болиулсан байна. Мөн газар тариалан аж үйлдвэрийн улсуудад энэ нь цагийн хуваарь алдагдуулах, хүнсний аюулгүй байдалд сөргөөр нөлөөлж байна хэмээн үздэг ба нийтийн эрүүл мэндэд цаг хөдөлсөн эхний 2 долоо хоногт зүрхний шигдээс ихсэх хандлагатай байдаг гэж ажиглагдсан байна.





 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-08-27 4550
ОРХОН АЙМАГ “ХОТ” БОЛВОЛ ТӨРИЙН ҮЙЛЧИЛГЭЭНИЙ ХҮРТЭЭМЖ НЭМЭГДЭНЭ ГЭЖ ИРГЭД ОНЦОЛЛОО

Монгол Улсын Үндсэн хуульд оруулах нэмэлт, өөрчлөлтийн төслийн талаарх уулзалт, хэлэлцүүлэг Орхон аймагт ...

2020-05-15 1732
17-НЫ ӨДРИЙН 12 ЦАГ ГЭХЭД ХЭРЭГЛЭГЧДИЙГ ХАЛУУН УСААР БҮРЭН ХАНГАНА

Жил бүр урин дулааны цагт “ЭДЦС” ТӨХК болон хэрэглэгчдэд хэрэглээний халуун хүйтэн ус түгээдэг “Эрдэнэт ...

2015-04-17 1604
Хүүхэд, гэр бүлийн хөгжлийн хэлтэс /2015.04.13-17/

Зохион байгуулсан ажил, үйлчилгээ, бүтээгдэхүүн: • Хүүхдийн байгууллагын 90 жилийн ойг тохиолдуулан ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 41 Онлайн
  • 4157 Өнөөдөр
  • 4737 Өчигдөр
  • 8894 Долоо хоногт
  • 186088 Сүүлийн сард
  • 6225308 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар