Баян-Өндөр сумын долоо хоногийн ажлын мэдээ /2015.02.23-03.06/

 - Гэр бүлийн хэрэгцээний зориулалтаар эзэмшиж буй газраа өмчилж авахыг хүссэн нийт 25 иргэний өргөдөл хүсэлтийн дагуу 27 нэгж талбарыг газар дээр нь үзэж тодруулсан.
 - Багуудын 2015 оны үйл ажиллагааны төлөвлөгөөг гаргуулан Сумын Засаг даргаар батлуулаад байна.

- Сумын малчин иргэдийг ноосны урамшуулалд хамруулах ажлыг шат дараатай зохион байгуулж холбогдох материалыг бүрдүүлэн ХХАА-н газарт хүргүүлэн иргэдэд ноосны урамшуулал олгогдож эхлээд байна.
- Сумын ИТХ-ын хуралдаанаар Орон нутгийн хөгжлийн сангаас 2015 онд хөрөнгө оруулалтаар хийгдэх ажлын задаргааг хэлэлцүүлэн батлуулсан
- 2015 оны бараа, ажил, үйлчилгээ худалдан авах ерөнхий төлөвлөгөөг гарган e-procurement.mn,  сангийн яамны нэгдсэн сайтад төлөвлөгөөг оруулж батлуулан orhonbayanundur.mn сайтад байршуулан нийтэд мэдээлээд байна.
-    МЭҮТ-гаас төл бойжилт зүй бус малын хорогдлын мэдээг
гаргаж Статистикийн хэлтэст хүргүүлсэн. Сумын хэмжээнд төл бойжилт бүгд 313 хээлтэгч төллөж үүнээс  унага-8, тугал-63, хурга-140, ишиг-102 төллөж хорогдолгүй бойжиж байна.Нийт хээлтэгч малын 1.7% төллөж,  12 том мал буюу  үхэр 8, хонь 2, ямаа 2 хорогдсон дүн мэдээтэй байна.
     Нийгмийн халамжийн чиглэлээр:
-    Байнгын асаргааны тэтгэмж тогтоолгохыг хүссэн 6 ахмад настан, 1 хөгжлийн бэрхшээлтэй иргэн, тэжээгчээ алдсаны тэтгэмж хүссэн 1 иргэн, онцгой тохиолдлын болон амьжиргааг дэмжих мөнгөн тэтгэмж хүссэн 2 иргэний өргөдлийг судлан НХҮХ-т уламжилсан.
      Хууль зүйн чиглэлээр :
-    Хууль ёсны асран хамгаалагч тогтоолгохыг хүссэн 2 иргэний өргөдөл хүсэлтийг хүлээн авч шийдвэрлэж Засаг даргын захирамж гаргасан.
-    Албадан ажил хийлгэх ялаар шийтгэгдсэн 2 иргэнээр Шүүхийн шийдвэр гүйцэтгэх албатай хамтран Сумын өвс тэжээлийн агуулах, гадна байрлах өнжсөн өвсийг цэгцлэх, хашаа саравчийг засч сэлбэх 88 цагийн албадан ажил хийлгээд байна.
-    “Хүүхэд-Гэр бүл хөгжил хамгааллын төлөө сайн үйлсийн аян”-ны хүрээнд ЗДТГ-аас  хүүхдийн зөвлөлийг шинэчлэн байгуулж ажиллагсдын хүүхдүүдийн дунд Гар зураг, Эссэ бичлэг, Сагсан бөмбөг, АХА, “Аав ээж би” зэрэг уралдаан тэмцээнүүдийг зохион байгуулсан.
-    Тус арга хэмжээний үеэр  хүүхдийн гэмт хэргээс урьдчилан сэргийлэх, хүүдийн эрхийн талаар  Хүүхэд гэр бүлийн хөгжлийн хэлтсийн ажилтан Чулуунцэцэг мэдээлэл өгсөн. Мөн зорилтод бүлгийн 5 хүүхдэд 150.000 төгрөгийн үнэ бүхий хичээлийн хэрэгсэл олгосон.
-    Дэнж багийн ажлын албанаас ДЗОУБ, 7 дугаар сургуулийн захиргаа, номын сантай хамтран Хүүхдийн байгууллага үүсэж хөгжсөний 90 жилийн ойн арга хэмжээний хүрээнд сурагчдын дунд гар зургийн уралдаан,  “Алтан хонх” тэмцээнийг зохион байгуулж урамшуулсан байна.
- “Ирээдүйн төлөө хамтдаа аян”-ны хүрээнд Насан туршийн боловсрол төвтэй хамтран сонгогдсон 5 өрхийн гишүүдэд “Архи тамхины эсрэг хамтдаа”, “Харилцаа ёс суртахуун” сэдэвт сургалтуудыг зохион байгуулсан.
- Говил багийн ажлын албанаас Хөдөлмөрийн хэлтэс, НХҮХ, УЦУОШ албатай хамтран “Нээлттэй хаалганы өдөрлөгийг зохион байгуулан нийт 120 иргэдэд төрийн үйлчилгээг хүргэсэн байна.
 - “Ирээдүйн  төлөө хамтдаа аян”-ны хүрээнд УБЭҮ-ийн Авто тээврийн байгууллагатай хамтран сар шинийн баярын үеэр сонгогдсон 5 өрхөд тус бүр 100 000 төгрөгийн хүнсний бүтээгдэхүүн, өрх толгойлсон 5 ам бүлтэй гэр бүлд орон гэрийн нөхцөлийг сайжруулж гэр олгосон.
 - Цагаанчулуут багийн ажлын албанаас “Ирээдүйн төлөө хамтдаа” аяны хүрээнд сонгогдсон 5 өрхөд Насан туршийн боловсрол төв”-тэй хамтран сургалт явууллаа.
 - “Цагаанчулуут багийн мэдээ” сонин 2 хуудас 4 нүүр бүхий  1000 ширхэг сонин хэвлэж, тус сонинд 2014 онд багийн ажлын албанаас хийж хэрэгжүүлсэн ажил, хөрөнгө оруулалтын ажлын талаарх мэдээллийг багтаан сар шинийн баярыг угтан мэндчилгээ дэвшүүлж өрх бүрд хүргэж ажилласан байна.   
 - Шанд багийн ажлын алба 17 дугаар сургуультай хамтран Хүүхдийн байгууллага үүсч хөгжсөний 90 жилийн ойн арга хэмжээний хүрээнд АХА тэмцээнийг зохион байгуулж шагнаж урамшуулсан байна.”Ирээдүйн төлөө хамтдаа аян”-ны хүрээнд “Хувь хүний соёл” сэдэвт сургалтыг сонгогдсон 5 өрхийн гишүүдийн дунд  зохион байгуулсан.
 - Наран багийн ажлын алба Наран цогцолбор сургуулийн захиргаатай хамтран сурагчдын дунд “Халуун сэтгэлийн илгээмж” сэдэвт захидлын уралдаан, “Шагайн наадгай” уралдаан тэмцээнүүдийг зохион байгуулсан.
 - Баянбулаг багийн ажлын алба, 16 дугаар сургуулийн захиргаатай хамтран  сурагчдын дунд АХА, 18 дугаар цэцэрлэгийн ажилчид, эцэг эхчүүдийн дунд “Монгол зан заншил” сэдвээр урлагийн тоглолт зохион байгуулж байр эзлүүлэн шагнаж урамшуулсан.
 - Эрдэнэ багийн ажлын алба галд өртөн орон гэргүй болсон багийн иргэнд туслах тусламжийн аян зохион байгуулж “Эрдэнэт үйлдвэр ХХК”-ны Хүдрийн ил уурхайн өрөмдлөг тэсэлгээний хэсгийн уурхайчдын хандив тусламжаар гэр олгосон.
 - Багийн ажлын албанаас санаачлан “Түлхүүр толь” ТББ-тай хамтран өрх толгойлсон эмэгтэйчүүд, өрхийн хөгжлийн хөтөлбөрт хамрагдсан өрхийг гишүүдэд “Үнэ цэнэ эмэгтэй” сэдэвт сургалтыг зохион байгуулж багийн 30 иргэнийг хамруулсан.
 - Уурхайчин багийн ажлын албанаас “Загар хөгжлийн сан” ТББ-тай хамтран зорилтод бүлгийн 15 хүүхдийн дунд АХА тэмцээнийг зохион байгуулж урамшуулсан. 
 - Бүрэнбүст багийн ажлын алба төрийн үйлчилгээг иргэдэд хүргэх, иргэдийн санал хүсэлтийг хүлээн авах боломжийг бүрдүүлж  олон нийтийн мэдээллийн сайт болох facebook ашиглан багийн хэмжээнд групп нээн ажиллуулж 21 иргэний  санал, өргөдөл хүсэлтийг хүлээн авч холбогдох байгууллагад уламжилан, багийн түвшинд шийдвэрлэж хариуг мэдэгдэн ажиллаж байна.

 

 

Холбоотой мэдээлэл

2017-03-17 2378
7.2 САЯ М3 БОХИР УСЫГ ЦЭВЭРЛЭЖ “ЭРДЭНЭТ ҮЙЛДВЭР” ХХК-ИЙН ТЕХНОЛОГИЙН ХЭРЭГЛЭЭНД ЗОРИУЛЖЭЭ

Дээрх өдрийг энэ онд “Хаягдал ус” уриан дор тэмдэглэн өнгөрүүлж байна. Учир нь дэлхий даяар гарч буй ...

2018-12-12 3042
ГУРВАН ИХРИЙН ГЭР БҮЛД 3 ӨРӨӨ БАЙР ОЛГОЛОО

Эрдэнэт хотын өдрөөр 3 ихэр охин өлгийдөн авсан Э.Одхүүгийн гэр бүлд 3 өрөө байр бэлэглэлээ.

2016-05-10 3315
Ажлын байрны захиалга

Ажлын байрны зар

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 27 Онлайн
  • 1270 Өнөөдөр
  • 2319 Өчигдөр
  • 13670 Долоо хоногт
  • 65661 Сүүлийн сард
  • 6432796 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар