ЖАРГАЛАНТ СУМЫН 14 ХОНОГИЙН АЖЛЫН МЭДЭЭ /2015.02.16-27/

•   Малчин багийн малчин М.Батдагины хотонд үхрийн Хорт салст халуурал өвчин гарсантай холбогдуулан сумын засаг даргын 2015 оны 01 дүгээр сарын 24 ны өдрийн  А/09 тоот захирамжийн дагуу хяналтын цэг байгуулж  ажилласан. Энэхүү өвчний тархалт дахин гараагүй тул 2015 оны 02 дугаар сарын 17-ны өдрийн А/16 тоот “Хяналтын цэгийг татан буулгах тухай” захирамж гарсан.
•    Улсын тэргүүний тариланч хамт олноор "Бүтлийн Ундарга" ХХК,  "Алтантошлой" ХХК, Тэргүүний тариаланч иргэнээр Ч.Баясгаланцэцэг , Улсын сайн малчнаар Х.Нямжав, Аймгийн сайн малчнаар Х.Эрдэнэболд, сумын сайн малчнаар Ж.Баттулга, сумын Тэргүүний тариаланчаар М.Дамиран, өсөх ирээдүйтэй сайн малчнаар Эрэндэрэг, Засаг даргын нэрэмжит шагналаар Д.Урантөгс, Ж.Очирсүх нар  шагнагдсан.
•    2015 оны 2  дугаар сарын 16-ны өдөр сар шинийн баярыг тохиолдуулан хүчит бөхийн барилдаан, шагайн харвааг зохион байгуулсан.
•   Сар шинийн баярын өдрүүдэд нийт 3 дуудлага хүлээн авч ажилласан байна. Мөн сар шинийн баярын өдрүүдэд хариуцлагатай жижүүр томилон ажиллаж,  гарсан хэрэг зөрчилгүй тайван байлаа.
•    Хүүхдийн байгууллага үүсч хөгжсөний 90 жилийн ойг угтсан “Хүүхэд гэр бүлийн хөгжил хамгааллын төлөө сайн үйлсийн аяны лого, ажлын дэвтрийг тус сумын ЗДТГ-т аймгийн хүүхэд гэр бүл хөгжлийн хэлтсийн мэргэжилтэн, Баян-Өндөр сумын удирдлагуудын төлөөлөл 2015 оны 02 дугаар сарын 26-ны өдөр хүлээлгэн өглөө. Энэхүү аян сумын хэмжээнд 2015 оны 02 дугаар сарын 26-ны өдрөөс 03 дугаар сарын 16-ны хооронд зохион байгуулагдана.  Аяны туг логоог хүлээн авах  нээлтийн ажиллагаанд ЗДТГ-ын ажилтан албан хаагчид, Ерөнхий боловсролын сургуульд, 3-р цэцэрлэг, Эрүүл мэндийн төв, Соёл мэдээллийн төв, сурагчдын төлөөлөл оролцсон байна.
•   Сумын ИТХ-ын Тэргүүлэгчдийн хуралдаанаар 2015 онд ойн сангаас бэлтгүүлэх модны хэмжээг батлууллаа. 2015 онд иргэд аж ахуйн нэгжийн түлээний хэрэгцээнд цэвэрлэгээний огтлолоор түлээний шинэс мод 940 шоометр, хэрэглээний хуурай шинэс модны хэмжээ 50 шоометр, ойн цэвэрлэгээгээр бэлтгэх түлээний шинэс мод 2760 шоометр, хэрэглээний хуурай шинэс 200 шоометр, ойн цэвэрлэгээгээр бэлтгэх түлээний хус модны хэмжээ 150 шоометр байхаар тогтоолоо.
•    Сумын хэмжээнд  602 эх мал төллөж 600 төл бойжиж байна. Тугал 22, хурга 269, 311 ишиг бойжиж байна. 11 төл хорогдсон байна.
•    Суманд Зэст-ус, Сэлэнгэ ачуут, Эрдэнэхутагт, Ормэл, Ивомек зэрэг  мал эмнэлгүүд үйлчилгээ үзүүлэхээр болсон байна. Малчидтай гэрээ байгуулах ажил явагдаж байна. Аймгийн МХГ-ын байцаагч нар ирж мал эмнэлгүүдэд шалгалт хийж аттестатчилал явагдсан байна. Энэхүү шалгалтанд 3 үржлийн нэгж хамрагдсан.
•  Нийгмийн халамж үйлчилгээний хэлтсээс олгож буй хүнсний эрхийн бичиг хөтөлбөрт нийт 55 өрх хамрагдсан байна.

Багуудын ажлын алба:
•    2015 оны 02 дугаар сарын 24-нд малчин багаас тодорсон “Улсын сайн малчин” Х.Нямжавынд ЗДТГ болон Малчин багийн  ажлын алба очиж хүндэтгэл үзүүлэв
•   Дулаан-Уул багийн иргэн Улсын тэргүүний тариаланч Ч.Баясгаланцэцэг, аймгийн сайн малчин Х.Эрдэнэболд нарт хүндэтгэл үзүүллээ.
•    2015.02.25-ны өдөр Хонгор морьт хэмээх газарт өвөлжиж буй Дулаан-Уул багийн малчин Даалхайн Батсуурийн хотонд үнэг орж мал барьсан мэдээлэл ирсний дагуу багийн Засаг дарга, сумын Мал эмнэлэг үржлийн тасгийн улсын байцаагч Л.Бадамсамбуу, “Сэлэнгэ-Ачуут” мал эмнэлгийн малын эмч Л. Мягмарсүрэн нарын хамт очиж газар дээр нь очиж шинжилгээ хийж устгасан.

Ерөнхий боловсролын сургууль:
 1. Сар шинэ болж байгаатай холбоотойгоор байгууллагын хариуцлагатай жижүүрийг  2015.2.17-25-ыг дуустал ажиллуулсан ба гэмт хэргээс урьдчилан сэргийлэх талаар 9-12-р ангийн сурагчдад яриа таниулга хийсэн байна.
 2. Үндэсний соёл уламжлалаа  хадгалах,сурталчлах, өвлүүлэх зорилгоор “Дээлтэй монгол” 3 өдрийн өдөрлөгийг зохион байгуулж, шалгарсан анги, сурагчдын зургийг самбарт байрлуулан сурталчилж байна.
 3.  Орхон аймгийн хэмжээнд зохион байгуулагдсан  математикийн масс олимпиадад 6-12-р ангийн 140 сурагчид хамрагдсан.
 4.   Орхон аймгийн Хүний хөгжлийн төв, НТБОТ-тэй хамтран 10-12-р ангийн сурагчдын дунд нөхөн үржихүйн чиглэлээр сургалтыг зохион байгуулсан.
 5.    Багш нарын ур чадварын уралдааныг зохион байгуулж, нийт 30 багш хамрагдсан байна.

3-р цэцэрлэг:
•    Сүүлийн 14 хоногт 800 гаруй хүүхэд авч үйл ажиллагаагаа зохион байгуулсан.
•    Баярын өдрүүдэд хариуцлагатай эргүүл жижүүр томилон элдэв зөрчилгүй ажилласан.
•    Гавьяаныхаа амралтад гарсан 7 ахмадад хүндэтгэл үзүүлсэн.
•    Сар шинийн баяраар ахлах, бэлтгэл бүлгүүдийн дунд “Шагайн наадам” зохин байгуулж, 60 гаруй хүүхэд, 20 гаруй эцэг эхчүүд хамрагдаж 200 гаруй шагайгаар баяжилт хийсэн байна.
•    “Багшийн хөгжлийн төв” байгуулж үйл ажиллагаагаа идэвхжүүлж байна. 60 гаруй эцэг эхчүүдэд 2-5 насны хүүхдийн “Сэтгэхүйн онцлог” сэдвээр зөвлөмж өгч гарын авлага материал тараасан.
•    Ахлах, бэлтгэл бүлгийн 40 гаруй эцэг эхчүүдээс “Сэтгэл ханамж”-ийн судалгаа авч санал солилцож, анализ хийсэн.
•    80 гаруй хүүхдийн дотуур хувцас, тавчикт үзлэг хийж ажиллахад чийг татдаг хувцастай 20 гаруй хүүхэд байсныг эцэг эхтэй нь хамтран ажиллаж эхний үр дүн гарч байна.
•    Сумын Эрүүл мэндийн төвийн эмч нартай хамтран 90 гаруй хүүхдийг урьдчилан сэргийлэх үзлэгт хамруулж шүд, чихний үрэвсэлтэй хүүхдийг илрүүлж цаашид эмчлүүлэх шаардлагыг эцэг эхчүүдэд тавьж ажилласан.

Эмнэлэг:   
•    Нийт дуудлага 49.Үүнээс: насанд хүрэгчид -  28.    хүүхэд – 21. Эмнэлэгт 7 хүн хэвтэн эмчлүүлж байна.
•   Амбулаторийн  үзлэг нийт -44, Урьдчилан сэргийлэх үзлэг-22, Идэвхтэй хяналт-37, 0-2 настай  хүүхдийн аминдэмжүүлэлт,  төлөвлөгөөт дархлаажуулалт -17 болон  эх нярай, өндөр настан, хөнгөвчлөх эмчилгээтэй иргэдийн  гэрийн эргэлт тогтмол хийгдэж байна.
•    Хөдөөгүүр явж 0-2 насны товлолт вакциныг 5 хүүхдэд хийж,  Д аминдэмээр хангасан.
•   Цэцэрлэгийн багш, ажилчдад осол гэмтлээс урьдчилан сэргийлэх сургалтыг хийсэн. Шинээр 4 жирэмсэн эхийг хяналтдаа авсан. Хяналтанд байгаа 6 жирэмсэнг идэвхтэй ханалтад хамруулж үзлэг хийсэн.  Сарын эцсийн мэдээ тайланг эмч, мэргэжилтэн тус бүр гаргаж байна. Шинжилгээ : - шээсний ерөнхий шинжилгээ- 5,сахар тодорхойлох 2 иргэн тус тус хамрагдсан байна
 

 

Холбоотой мэдээлэл

2017-08-18 4465
“СОНОР ХАЙРХАН ТӨВ”-ИЙН УРД ТАЛЫН ЗАМ НЭГ ЧИГИЙН ХӨДӨЛГӨӨНТЭЙ БОЛНО

Монгол улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн ...

2018-03-06 1624
ВЬЕТНАМ УЛСЫН ЭЛЧИН САЙДЫГ ХҮЛЭЭН АВЧ УУЛЗЛАА

Вьетнам Улсаас Монгол Улсад суух онц бөгөөд бүрэн эрхт Элчин сайд хатагтай Доан Тхи Хыөнг өнөөдөр Орхон ...

2018-05-14 1612
5 ХОС ЗЭРЭГ ХУРИМЛАЛАА

Дэлхийн гэр бүлийн өдрийг угтаж аймгийн “Гэрлэх ёслолын ордон”-оос 5 хосын хуримыг үнэ төлбөргүй зохион ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.230.144.31
2021-06-10-ний өдрөөс хойш.
  • 12 Онлайн
  • 2839 Өнөөдөр
  • 4120 Өчигдөр
  • 21573 Долоо хоногт
  • 198767 Сүүлийн сард
  • 6237987 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар