Цэцэрлэгийн хүүхдийн хоолны мөнгөний тодорхой хувийг эцэг, эхчүүд гаргадаг болно

    УИХ-ын чуулганы өнөөдрийн үдээс өмнөх нэгдсэн хуралдаанаар Засгийн газраас энэ оны дөрөвдүгээр сарын 30-ны өдөр өргөн барьсан “Төрөөс боловсролын талаар баримтлах бодлогыг шинэчлэн батлах тухай” УИХ-ын тогтоолын төслийн анхны хэлэлцүүлгийг хийлээ.
Ирэх оны төсөвт боловсролын салбарт 1.2 их наяд төгрөг суулгасан нь Улсын төсвийн 17 хувийг, 2014 оны байдлаар ДНБ-ий 5.4 хувийг эзэлж буй юм. Цаашид ч энэ жишгээр боловсролын салбарын санхүүжилтийг ДНБ-ий таван хувиас буулгахгүй байхаар тогтоох, нэмэгдүүлэх зарчим барина хэмээн Нийгмийн бодлого, боловсрол, соёл, шинжлэх ухааны байнгын хорооны гишүүн А.Бакей танилцууллаа.

   Зургаан настай хүүхэд сургуульд орох болсноор орон нутагт их хүндрэл гарах боллоо. Малчдын хүүхэд сургуульд ороход дотуур байранд оруулах, хүүхэд гэрээ санах эсвэл мал ахуйгаа орхин төв рүү нүүж ирэх зэргээр асуудал гарч байгаа. Малчдын хувьд нийгмийн асуудал болоод энэ хүндрэлийг боловсролын талаар барих бодлогын баримт бичигт хэрхэн тусгаж буйг УИХ-ын гишүүн Ч.Хүрэлбаатар тодруулав.

    УИХ-ын гишүүн А.Бакей, “Хүүхдүүд боловсрол эзэмшихэд үе тэнгийнхнээсээ хоцрохгүй байх зарчим барина. Малчдын хүүхдийн тухайд албан, албан бус гэх мэт аль болох амьдралд ойр замаар энэ асуудлыг шийдэхээр тусгасан” гэж хариуллаа.

    Цэцэрлэгийн хүүхдийн хоолны мөнгийг нэг хүүхдийн 116 мянган төгрөгөөр тооцож төрөөс дааж байгаа. Энэ санхүүжилт нь цэцэрлэгийн урсгал зардал, хоолны мөнгөнд хүрэхгүй болсон тухай шүүмжлэл бий. Цаашид энэ санхүүжилтийг төр өгдгөөрөө өгнө. Дээр нь эцэг, эхчүүд нэмж хоолны мөнгө төлдөг болох заалтыг бодлогын баримт бичигт тусгасан тухай А.Бакей гишүүн ярилаа.

    Чуулганы хуралдааны үдийн завсарлагааны цаг болсон тул уг тогтоолын төслийн хэлэлцүүлгийг ирэх долоо хоногт үргэлжлүүлэхээр болов.
 

 

 

Эх сурвалж : gogo.mn

 

Холбоотой мэдээлэл

2017-01-26 2255
ХАМГААЛАХ БАЙРНЫ ҮЙЛ АЖИЛЛАГААТАЙ ТАНИЛЦЛАА

Үндэсний статистикийн хорооны мэдээллээр жилд 24-26 хүн гэр бүлийн хүчирхийлийн улмаас амь насаа алддаг ...

2018-06-28 11483
ОРХОН АЙМГИЙН БАЯР НААДМЫН ХӨТӨЛБӨР

ОРХОН АЙМГИЙН БАЯР НААДМЫН ХӨТӨЛБӨР

2015-10-11 2030
МАНЖУУР ХОТЫН ТӨЛӨӨЛӨГЧИД МАНАЙ АЙМАГТ АЙЛЧИЛЛАА

БНХАУ-ын ӨМӨЗО-ны Манжуур хотын Намын хорооны байнгын гишүүн, хотын даргын орлогч Бай Шиаожиуан ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 35 Онлайн
  • 1283 Өнөөдөр
  • 2319 Өчигдөр
  • 13683 Долоо хоногт
  • 65674 Сүүлийн сард
  • 6432809 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар