Салют, пиротехникийн хэрэгслийг худалдан борлуулахыг хориглов

     Пиротехникийн хэрэгсэл болох салют, динамикаас болж түлэгдэж бэртэх бүр цаашлаад амь нас эрүүл мэндээрээ хохирох явдал манай улсын хэмжээнд гарсаар байна. Иймээс иргэд олон нийт энэ тал дээр анхаарч чанар стандартын шаардлага хангаагүй заавар тайлбаргүй салют худалдан авахгүй байх, зарж борлуулахгүй байх аймгийн засаг даргын захирамж гарсан билээ.

     Аймгийн засаг даргын захирамжийг хэрэгжүүлэх хүрээнд ОБГ-аас “шинэ жил” хяналт шалгалтыг зохион байгуулж байна.Ялангуяа он солигдох мөч ойртох тусам урд хөршөөс янз бүрийн салют тэсэрч дэлбэрдэг зүйл авчирч гар дээрээс худалдаалах нь аюулгүй байдал талаасаа ноцтой хэрэг юм. Учир нь 16 буудах ёстой салют 12 буудах тохиолдол гардаг.

     Ингээд салют гүйцэд буудсангүй гэж эргүүлж харах, араас нь цохих байдлаар ханддаг. 2012 онд манай аймагт үүнтэй холбоотойгоор 2 ч хүүхэд гараа тайруулж эрүүл мэндээрээ хохирсон аюултай үзэгдэл гарсан. Пиротехник нь хүчин чадлаасаа хамаараад ахуйн хэрэглээний болон, үзвэрийн гэсэн 2 төрлөөр ашиглагддаг байна. Одоогийн мөрдөгдөж байгаа хуулиар дур мэдэн дээрх хэрэгслийг оруулж ирж худалдаалсан, хүний амь нас хохирсон тохиолдол гарах юм бол тухайн байгууллага аж ахуй нэгж иргэн өөрөө бүх хохирлыг хариуцахаар заасан байна. Мөн аливаа байгууллага шинэ жилийн баяраараа пиротехникийн хэрэгслийг ашиглах гэж байгаа бол урьдчилан холбогдох мэргэжлийн газарт мэдэгдэн зөвшөөрлийг авч энэ дагуу заавар авсан операторчин хүн пиротехникийн хэрэгслийг ашиглах дүрэмтэй байдаг ажээ.

    Ингээд баярын өдрүүдэд пиротехникийн хэрэгслийг аймгийн хэмжээнд бүртгэл зөвшөөрөлгүй ил задгай гар дээрээс худалдан борлуулахгүй байх, ашиглалтын аюулгүй байдлыг хатуу сахин биелүүлж болзошгүй аюул осол эрсдэлээс урьдчилан сэргийлэхийг байгууллага нийт иргэдэд аймгийн Онцгой байдлын газраас анхааруулж байна.
 

 

Сэтгүүлч: Х.Пүрэвпэлжээ

 

Холбоотой мэдээлэл

2014-11-27 2272
Эрдэнэт Булганы цахилгаан түгээх сүлжээ ТӨХК-ийн ашиглалтын инженер Д.Мөнх-Эрдэнэ "70353511" төвд ажиллалаа

Эрдэнэт Булганы цахилгаан түгээх сүлжээ ТӨХК-ний ашиглалтын инженер Д.Мөнх-Эрдэнэ “ Иргэдийн ...

2015-12-16 2182
Орхон аймгийн Өмчийн харилцааны газар

Дуудлага худалдаанд урьж байна.

2015-10-08 1107
Хотын орон сууцны 108 байшингийн 60 нь фасадыг будаж байна

Хот маань өдрөөс өдөрт өнгөжиж байна.

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.230.144.31
2021-06-10-ний өдрөөс хойш.
  • 24 Онлайн
  • 2924 Өнөөдөр
  • 4120 Өчигдөр
  • 21658 Долоо хоногт
  • 198852 Сүүлийн сард
  • 6238072 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар