“Бид-Эрдэнэтийнхэн” арга хэмжээ эхэллээ

       Орхон аймгийн ЗДТГ, “Эрдэнэт үйлдвэр” ХХК, Улаанбаатар хот дахь “Эрдэнэт” нутгийн зөвлөлөөс хамтран зохион байгуулж байгаа “Бид Эрдэнэтийнхэн” арга хэмжээ Орхон аймгийн Засаг дарга болон “Эрдэнэт үйлдвэр” ХХК-ийн удирдлагууд нийслэл хотод ажиллаж, амьдарч буй Эрдэнэтийн уугуул иргэдийнхээ төлөөллийг  нутгийн ёслол, хүндэтгэлийн өргөөнд хүлээн авч уулзсанаар албан ёсоор эхлэв.
     Уулзалтыг нээж Орхон аймгийн засаг Г. Зоригт хэлсэн үгэндээ  “Нийслэл хотод ажиллаж, амьдардаг Эрдэнэтийн уугуул иргэд төрөлх хотынхоо хөгжил цэцэглэлтэд хувь нэмрээ оруулъя гэж уриалга гаргасныг Орхон аймгийн болон “Эрдэнэт үйлдвэр” ХХК-ийн удирдлагууд халуунаар дэмжин ажиллаж  байна.  Ингэж дэмжин ажиллаж буйн нэг  илрэл нь өнөөдрийн энэхүү “Бид Эрдэнэтийнхэн” арга хэмжээ юм. Уугуул Эрдэнэтчүүд маань уг арга хэмжээг угтан Улаанбаатар хотноо “Орон нутгийн хөгжилд бидний оролцоо” сэдэвт  уулзалт семинар зэрэг олон ажил зохион байгуулсанд гүнээ талархаж байна. Бид цаашдаа ч төрөлх Эрдэнэт хотынхоо хөгжил цэцэглэлтийн төлөө хамтран ажиллах болно” гэлээ.
      Орхон аймгийн ИТХ-ын дарга Б. Мягмарсүрэн, “Эрдэнэт” ХХК-ийн үйлдвэрлэл эрхэлсэн орлогч захирал Д. Даваасамбуу, Улаанбаатар хот дахь “Эрдэнэт” нутгийн зөвлөлийн дарга Н. Далантай нар уулзалт, арга хэмжээнд оролцогсдод мэндчилгээ дэвшүүлэн үг хэлсний дараа төрөлх хотынхоо нэрийг Монгол улс, цаашлаад тив дэлхийд цуурайтуулж яваа Эрдэнэтийн  уугуул иргэд- урлаг соёлын төлөөлөгчдийг  аймгийн ИТХ болон ЗД-ын шагналаар шагнав.
     Орхон аймгийн “Хүндэт тэмдэг”-ээр сагсан бөмбөгийн “Старс” клубын ерөнхийлөгч  Ц. Шаравжамц, “Броос рекордс-Монгол” студийн захирал М. Болд, “Сүнс” хамтлагийг үүсгэн байгуулагч Б. Лхагвасүрэн, КУМО хамтлагийн ахлагч н. Жаргалсайхан, “Гурван бүдүүн” хамтлагийн ахлагч Б. Учрахбаяр, ОУХМ, улсын шигшээ багийн тамирчин, чөлөөт бөхийн дэлхийн аваргын хүрэл медальт Б. Одончимэг нарыг, аймгийн ЗД-ын “Жуух бичиг”-ээр КУМО хамтлагийн дуучин Д. Энхзаяа, удирдлагын академийн багш Ц. Энхмандах, Эс-Би-Эн телевизийн нэвтрүүлэгч Б. Батзаяа, “Нисванис” хамтлагийн гишүүн Д. Дарханбат, “Шинэ үе” продакшны жүжигчин Г. Ундармаа, Төрийн банкны менежер Б. Эрболд нарыг тус, тус шагналаа.
    “Бид Эрдэнэтийнхэн” спорт, урлагийн арга хэмжээ хоёр өдөр үргэлжлэх бөгөөд өнөө орой А. Амарын талбайд урлаг,соёлын  одод оролцсон “Бид Эрдэнэтийнхэн” шоу-тоглолттой.
 

 

Холбоотой мэдээлэл

2014-12-16 1668
Аймгийг засаг даргын тамгын газрын спорт зааланд хөгжлийн бэрхшээлтэй иргэд хичээллэхээр боллоо

Аймгийн Засаг даргын Тамгын газрын спорт заалны засварын ажлыг “Богатырь”ХХК гүйцэтгэж ...

2017-08-16 4649
ЦЭЦЭРЛЭГТ ЭЛСЭГЧ ХҮҮХДҮҮДИЙН УРЬДЧИЛАН СЭРГИЙЛЭХ ШИНЖИЛГЭЭНИЙ ЗААВАР

Цэцэрлэгт элсэгч бүх хүүхдүүд 2017 оны 08 дугаар сарын 31 хүртэл дараах шинжилгээнүүдийг өгнө. Үүнд:

2015-06-02 1304
Хүнс, хөдөө аж ахуй 2015 оны 05 сарын 25-наас 29

Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар авч ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 16 Онлайн
  • 1234 Өнөөдөр
  • 2319 Өчигдөр
  • 13634 Долоо хоногт
  • 65625 Сүүлийн сард
  • 6432760 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар