Баян-Өндөр сумын 20 жилийн ойн хүрээнд урлагийн наадам зохион байгууллаа

1. Баян-Өндөр сумын 20 жилийн ойн хүрээнд нийт багуудын иргэд болон Баян-Өндөр сумын ЗДТГ-ын  албан хаагчдын дунд өнгөрсөн сард урлагийн наадам зохион байгуулж шилдгүүдээ шалгаруулсан.Тэгвэл тус наадмаас шалгарсан шилдгүүдээс бүрдсэн гала тоглолт 5 сарын 12 нд хүүхэлдэйн театрт амжилттай зохион байгуулагдлаа.Энэхүү гала тоглолтонд 40 гаруй уран бүтээлч оролцож, 300 гаруй үзэгчид үзэж сэтгэгдэл өндөр байлаа.

2. Орхон аймаг дахь зураач урчуудын холбоо,аймгийн музей хамтран Баян-Өндөр сумын 20 жилийн ойд зориулан уран зургийн үзэсгэлэн гаргалаа.Тус үзэсгэлэнгийн нээлтийн үер Баян-Өндөр сумын ЗДТГ-аас сумынхаа хөгжилд үнэтэй хувь нэмэр оруулсан Зураач урчуудын холбооны уран бүтээлчдийг сумын хүндэт тэмдгээр шагналаа. Тус үзэсгэлэн 6-р сарыг дуустал аймгийн музейд гарах юм байна.