Шатахууны үнийн өсөлтийн шалтгаан, түүнтэй холбогдох мэдээлэл

         Аймгийн засаг дарга тамгын газрын хууль зүйн хэлтэс нь Шудрага өрсөлдөөнийг хянан зохицуулах хүрээнд орон нутагт шудрага бус өрсөлдөөнийг хянах, хэрэглэгчийн эрх ашгийг хамгаалах үндсэн чиг үүргийг хэрэгжүүлж, Хууль зүйн хэлтсийн дарга Шудрага өрсөлдөөн хэрэглэгчийн төлөө газрын улсын байцаагчийн эрхтэйгээр ажиллаж байна.
Аймгийн хэмжээнд 2014 оны 01 дүгээр сарын 09 өдрөөс шатахуун түгээх үйл ажиллагаа явуулдаг компаниуд бүх шатахуун түгээх станцуудаараа шатахууны үнээ 20-40 төгрөгөөр нэмээд байна.
Одоогийн байдлаар Орхон аймагт шатахуун түгээх үйл ажиллагаа эрхэлдэг 5 компани салбар үйл ажиллагаа явуулж байгаа бөгөөд үнэ нэмэгдсэн шалтгаан нөхцлийг тодруулахаар Орхон аймагт энэ төрлийн үйл ажиллагаа эрхэлдэг компаниудын захиралуудтай Хууль зүйн хэлтсийн дарга ШӨХТГ-ын улсын байцаагч Б.Батхуяг уулзалт ярилцлага хийв.
 Уулзалтанд “Магнай трейд” ХХК ,“Жаст Ойл” ХХК , “Шунхлай” ХХК, “НИК” ХХК , “Сод Монгол Групп”  ХХК-иудын  Орхон аймаг дахь салбарын захиралууд  оролцож  шатахууны үнэ нэмсэн шалтгаан нөхцлийг тайлбарлахдаа  “2014 оны 01 сарын 09-ны өдрөөс Орхон аймагт үйл ажиллагаа явуулж байгаа бүх шатахуун түгээх компаниуд А80-ыг 20 төгрөгөөр, Дизель болон бусад түлшээ 40 төгрөгөөр үнээ нэмэгдүүлсэн.
Албан ёсны бичиг баримт гэрээ контракт төв байгууллагаас ирүүлдэггүй зөвхөн захирлын тушаал ирдэг тушаалын дагуу үнээ нэмсэн. Үнэ нэмсэн талаархи баримт бичгийг гаргаж өгөх шаардлагатай гэвэл албан бичгээр хандах хэрэгтэй бид дээшээ уламжлан хариуг өгье” гэсэн тус тусын тайлбар өгсөн бөгөөд ШӨХТГ-ын улсын байцаагчын зүгээс эдгээр компаниудад хугацаатай албан тоот явуулж үнэ нэмсэн талаар шалтгаан нөхцлийг албан ёсоор холбогдох баримт бичгийн хамт яаралтай ирүүлэхийг мэдэгдсэн.
- “Сод Монгол групп” ХХК болон Магнай трейд  Засгийн газрын 236-р тогтоолын дагуу шатахууны төрөл тус бүрт гаалийн 3%-ийн албан татвар ноогдуулсан, мөн валютын ханшны огцом өсөлт зэрэг нь нефть импортлогчдыг шууд алдагдалд хүргэж шатахууны жижиглэн худалдаалах үнийг өнөөдрийн байдлаар 150-200 төгрөгөөр нэмэгдүүлэх зайлшгүй шаардлагатай болоод байна. Дээрхи хүндрэлтэй байдал, шатахууны үнэ нэмэгдүүлэх талаар холбогдох байгууллагуудтай зөвшилцсний үндсэн дээр 20-40 төгрөгөөр  үнээ нэмээд байна гэсэн утга бүхий  хариуг тус тус  ирүүлээд байна.
 Аймгийн хэмжээнд шатахуун түгээх үйл ажиллагаа явуулдаг бусад компаниудаас одоогийн байдлаар албан ёсны хариу ирүүлээгүй байна.
 Үүсээд байгаа шалтгаан нөхцлийг талааар холбогдох эрх бүхий байгуулагуудаас тодруулахад: Одоогийн байдлаар албан ёсоор үнэ нэмсэн асуудал байхгүй харин 2013 оны 9 сараас хойш шатахуун түгээх компаниудаас алдагдалтай ажиллаж байна үнээ нэмье гэсэн асуудал байнга тавьж байсан бөгөөд 100-150 төгрөгийг нэмэх талаараа таницуулсан. Мөн санхүүгийн тайлан нь хасахтай гарч алдагдалтай байгааг нь үнэн. Шинэ жил, Цагаан сарыг өнгөртөл үнээ нэмэхгүй байх талаар хүсэлт тавьсан ч хөдөө орон нутагт үнэ нэмсэн харин Улаанбаатар хотод Цагаан сарыг өнгөртөл үнээ нэмэхгүй байх талаар тохиролцсон. Нефть импортлогч компаниудын зүгээс хөдөө орон нутагт шатахууны үнээ буурлах боломжгүй харин дахин нэмэх шаардлагатай  байгаа гэсэн хариуг өгөөд байна. 

        Шудрага Өрсөлдөөн Хэрэглэгчийн Төлөө газарт албан тоот хүргүүлэн үүсээд байгаа нөхцөл байдал талаар мэдээллийг тайлагнан, авч хэрэгжүүлэх арга хэмжээний талаар чиглэл өгөхийг хүссэн болно.

           Аймгийн хэмжээнд үйл ажиллагаа явуулж байгаа шатахуун түгээх компаниуд нь бүгд салбар компани бөгөөд чиг үүргийг Улаанбаатарт үйл ажиллагаа явуулдаг үндсэн компаниасаа авдаг мөн зөвхөн Орхон аймгийн хүрээнд шатахууны үнэ нэмэгдээгүй бүх аймгуудаар үнэ нэмэгдсэн нь манай аймгийн хувьд шууд арга хэмжээ авч ажиллахад хүндрэлтэй байгаа боловч үүсээд байгаа нөхцөл байдлын шалтгааныг яаралтай тогтоож цаашид авч хэрэгжүүлэх арга хэмжээний талаар судлаж байгаа болно.
 

 

Холбоотой мэдээлэл

2019-11-29 1972
АЙМГИЙН ИТХ-ЫН ЭЭЛЖИТ 15 ДУГААР ХУРАЛДААН БОЛЖ БАЙНА

Аймгийн ИТХ-ын ээлжит 15 дугаар хуралдаан болж байна.

2014-09-21 1259
ОРХОН АЙМГИЙН УЛСЫН БҮРТГЭЛИЙН ХЭЛТСИЙН ДОЛОО ХОНОГИЙН МЭДЭЭ /2014.09.15-19/

Гадаад паспорт бүртгэлийн чиглэлээр: Гадаад паспортын сунгалт 28-ийг хийж эздэд нь олгож гадаад паспорт ...

2015-02-04 1343
Цахилгаан тоолуур баталгаажуулалтын талаар

Стандартчилал хэмжил зүйн хэлтэс нь хамтран ажиллах гэрээний дагуу “Эрдэнэт Булганы Цахилгаан ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 27 Онлайн
  • 3978 Өнөөдөр
  • 3423 Өчигдөр
  • 26135 Долоо хоногт
  • 203329 Сүүлийн сард
  • 6242549 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар