Өнөөдрийн зурхай /2014 оны 01-р сарын 10/

 

Өнөөдөр аргын тооллын 2014 оны 01-р сарын 10. Баасан гараг. Билгийн тооллын  XVII  жарны "Тийн ялгуусан" хэмээгч усан могой жилийн өвлийн адаг Хөхөгчин үхэр сарын шинийн 10. Гоё хүүхэн одтой, найман цагаан мэнгэтэй цагаагчин могой өдөр. Сугар гараг. Өдрийн барилдлага Түлэх.  Шүтэн барилдлага Авахуй.  Наран 08.37-д мандаж, 17.13-д жаргана.Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Дашнямтай өдөр. Үс шинээр үргээлгэх буюу засуулбал эрч, хүч ихсэнэ  хэмээжээ.

* * *

Өрнийн зурхай 

Хонины орд (3/21-4/19): Таатай өдөр. Таны амьдрах хүч тамир ердийнхөөс илүү байна. Иймд ямар ч ажилд оролцоход ялангуяа шинэ үүрэг хүлээхэд амар байх болно. Аз туршин шаргуу ажилласнаар ашиг олж болно. Амжилт хэсэг хугацаанд таны талд байх ба энэ нь сайхан уур амьсгалыг бэлэглэнэ.

 

 

 Үхрийн орд (4/20-5/20): Түгшүүртэй өдөр. Өөрийн үзэл бодлоо хамгаална. Байнгын дарамтанд байснаас амарч чадахгүйд хүрнэ. Өөрийн байр сууриа бататгахын тулд хүнд сонголт хийх болно. Таны шуурхай байдлаас цаашдын ажиллагаа хамаарна.

 

 

Ихрийн орд (5/21-6/21): Азгүй өдөр. Амьдралын эрч хүч буурна. Ихэнх нь ядарч, азгүйтсэнээ мэдэрнэ. Биеэ барьж, бодлогогүй явдал гаргахгүй бай. Бизнесийнхэн шинээр гэрээ хэлцэл байгууллахаа түр азна. Эрүүл мэнддээ анхаар. Хутга мэснээс болгоо

мжил.

 

Мэлхийн орд (6/22-7/22): Онцгой өдөр. Таны харилцааны чадвар дээшлэх бөгөөд энэ нь шинэ найз нөхөдтэй болж, чухал хүмүүстэй холбоо тогтооход чухал нөлөө үзүүлнэ. Таны зөн билэг болон асуудлыг амархан шийдэх чадвар тань худалдаа наймаатай холбоотой яриа хэлэлцээг амжилттай дуусгахад тусална.

 


Арслангийн орд (7/23-8/22): Сорилтот өдөр. Та тэвчээргүй байна. Сандарсан байна. Та өөрийнхөө алхмаа сайтар төлөвлөх хэрэгтэй. Төрөлхийн уламжлалыг дагагч та ер бусын сонирхолтой санаа бодлынхоо төлөө зуршил болсон үнэт зүйлээсээ татгалзаж, жинхэнэ хувьсгалчид болон хувирна.

 


Охины орд (8/23-9/22):  Сэтгэл догдлуулсан өдөр. Сэтгэл санааны өөдрөг байдлаас болж хувийн амьдралдаа чухал асуудлыг шийдэх болно. Дотны найз чинь танд маш их тус хүргэж та түүний үнэнч байдалд үнэмших болно. Эсрэг хүйсний хүнтэй харьцах нь амжилт авчирна.

 

 

Жинлүүрийн орд (9/23-10/22): Ярвигтай өдөр. Таны амьдралын эрч хүч нэлээд дээшлэх боловч таагүй мэдээ, дотны хүний чинь алсын хараагүй үйлдэл таны сэтгэл санааг тавгүйтүүлнэ. Зүүд нэг хоногийн дараа биелнэ. Өндөрлөг зүүдлэвэл тооцоондоо алдаа гаргана.

 

 

Хилэнцийн орд (10/23-11/21): Тогтворгүй өдөр. Гэр бүлийн амьдрал тань бага зэрэг тогтворгүй байна. Тиймээс цаг үеэ олсон шийдвэрийг гарга. Ажил хэргийн үйл явдал болон хувийн амьдрал хоёрын хоорондох харьцааг тэнцвэржүүл. Энэ нь таны стрессийг бага ч болов нимгэлнэ. Шинэчилсэн төлөвлөгөөнүүд нь таныг завгүй байлгана. Гэвч та энэ сардаа ажлаа дуусгаж чадахгүй.

 

 
Нумын орд (11/22-12/21): Хүнд өдөр. Хэтрүүлэн идэх нь хамгийн эрүүл хүмүүсийн эрүүл мэндийг ч муутгана. Өөх тос багатай загасны мах, ургамлын тос хэрэглэ. Эргэн тойрныхонтойгоо зөрчилдөж, эрүүл мэндэд асуудал үүснэ. Гэмтэл, цахилгаан барааны эвдрэл гарч болзошгүй. Эд хөрөнгөдөө гол анхаарлаа хандуул. Өөртөө хатуу ханд. Ирэх долоо хоногийн ажлаа төлөвлөж, түүнээ дагаж мөрдөхийг хичээ.

 

 

Матрын орд (12/22-1/19):  Анхааралтай байх өдөр. Одоо байгаа байдалдаа үнэн зөв дүгнэлт хийхэд ярвигтай. Хэцүү байдалд хүрэх магадлал маш өндөр байна. Дээд удирдлага болон ажиллагсадын зэмлэлийг хүлээхгүйн тулд анхаарал болгоомжтой байж ажилдаа алдаа гаргахаас зайлсхий. Хамт олноороо хийсэн ажил илүү амжилттай байна. Эмэгтэйчүүд бүхний анхааралд байж урьд нь бүтэшгүй мэт байсан зүйлдээ амархан хүрнэ.

 


Хумхын орд (1/20-2/18): Бүүдгэр өдөр. Сайн тунгааж бодсон үйлдэл амжилтанд хүрэх болможтой. Амьдралын болон бэлгийн эрч хүч аажмаар нэмэгдэнэ. Гэвч эсрэг хүйстэнтэйгээ харьцвал муудалцаж буруутан нь та болно. Хувийн зорилгодоо хүрэхийн тулд бусдын сэтгэлээр тоглох хэрэггүй.

   

 

Загасны орд (2/19-3/20) Энэ өдөр гэрийн ажил толгой эргүүлэм байна. Хойшилсон ажил хэрэг, эрт үеийн үүрэг даалгавруудыг хурдан хугацаанд биелүүл. Ямар ч тохиолдолд эсэргүүцэл үзүүлэлгүйгээр хэрүүлээс гарахыг одод зөвлөж байна. Эрүүл мэнддээ анхаарч хүч, тэнхээ, сэтгэл зүрхээ хямгад. Нэгийг өгч хоёр болгож авдгийг санаж яваарай.

 

Холбоотой мэдээлэл

2015-05-19 2799
Орхон аймгийн Татварын хэлтэс Аймгийн хяналт шинжилгээ, үнэлгээний дүнгээр тэргүүлэв.

Аймгийн Засаг даргын дэргэдэх захиргааны байгууллагуудын 2014 оны үйл ажиллагаанд хийсэн хяналт шинжилгээ ...

2017-02-08 2114
ЭДИЙН ЗАСГИЙН ХҮНДРЭЛИЙГ ТӨР, ХУВИЙН ХЭВШИЛ ХАМТАРЧ ДАВНА

Орон нутгийн засаг захиргаанаас бизнес эрхлэгчдийг дэмжих хэд хэдэн төсөл, хөтөлбөрийг боловсруулсан. ...

2015-01-05 5757
Шинэ иргэнээ цахимаар бүртгэдэг болно

Улсын бүртгэлийн ерөнхий газар иргэний бүртгэлийн үйлчилгээг цахимжуулахтай холбоотойгоор шинээр төрсөн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.23.219.12
2021-01-03-ний өдрөөс хойш.
  • 8 Онлайн
  • 1265 Өнөөдөр
  • 1539 Өчигдөр
  • 1265 Долоо хоногт
  • 11968 Сүүлийн сард
  • 6450242 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1053

Facebook

Цаг агаар