Орхон аймгийн Засаг даргын Тамгын газар хэд хэдэн үзүүлэлтээрээ улсад тэргүүлэв

Орхон аймгийн Засаг даргын Тамгын газрын 2013 оны ажлын үзүүлэлтээрээ улсад тэргүүлж, шилдэг 5 аймгийн нэг болсон тухай бид урьд нь мэдээлсэн билээ.

 

Тэгвэл саяхан Авлигатай тэмцэх газраас хөндлөнгийн үнэлгээний багтай хамтран төрийн байгууллагуудын авлигын эсрэг үйл ажиллагаа нэвтрүүлсэн байдалд үнэлгээ өглөө. Манай аймгийн Засаг даргын Тамгын газар нь 82 оноо авч улсад тэргүүн байр эзэлсэн байна.   Мөн 2013 онд улсын хэмжээнд зарлагдсан тендер, худалдан авах ажиллагааг зохион байгуулсан, ил тод байдлыг хангасан үзүүлэлтээрээ аймгийн ХУДАЛДАН АВАХ АЖИЛЛАГААНЫ АЛБА улсад тэргүүлсэн байна.

Төрийн байгууллагуудын 2013 оны авлигын эсрэг үйл ажиллагааны үнэлгээний тайланг АТГ болон тайланг гаргаж үнэлэлт өгсөн "Онч шийдэл" төрийн бус байгууллага, Азийн сан, "MDS and assouates" хуулийн фермийн мэргэжилтнүүд өчигдөр танилцууллаа. Авлигын эсрэг хуулийг хэрэгжүүлэх, төрийн байгууллагад авлигагүй орчинг бүрдүүлэх, нээлттэй ил тод байдлыг бий болгох үүднээс АТГ-аас санаачлан анх удаа энэхүү авлигын эсрэг үйл ажиллагааны үнэлгээний тайланг гаргажээ. Төрийн байгууллага авлигын эсрэг хэрхэн үйл ажиллагаа явуулж буйг УИХ-аас байгуулагддаг Төрийн албаны зөвлөл, Санхүүгийн зохицуулах хороо, Үндэсний статистикийн хороо зэрэг долоон байгууллага, 16 Яам, 27 агентлагийн дунд судалгаа явуулсан байна. Мөн бүх аймгийн Засаг даргын Тамгын газрын үйл ажиллагааг ч энд хамруулжээ. Ингэхдээ төрийн байгууллагын ил тод байдал, цахим хуудас нь олон нийтэд түргэн шуурхай мэдээллээр хангаж, авлигын эсрэг үйл ажиллагаанд анхаарч төсөв зарцуулдаг эсэхийг голлон авч үзсэн байна. Тухайн байгууллагууд нь гэрээ хэлцэл, тендерийн сонгон шалгаруулалт, ажлын байрны зарлал зэрэг мэдээллээ олон нийтэд ил тод байдлаар хангаж ажилладаг зэргийг голлон авч үзсэн байна.
Авлигын эсрэг үйл ажиллагааны үнэлгээний тайлангаар Улсын бүртгэлийн ерөнхий газар, Цөмийн энергийн газар, Үйлдвэр, хөдөө аж ахуйн яам, Хил хамгаалах ерөнхий газар, Худалдан авах ажиллагааны газар, Санхүүгийн зохицуулах хороо, Хөдөлмөрийн яам нь 65.5-74.5 оноо авч, сайн гэсэн үнэлгээ авчээ. Эдгээр байгууллагуудын цахим хуудас нь тогтмол иргэдэд нээлттэй ажиллаж, ил тод байдлыг хангаж ажилласан гэж үзсэн байна. Харин тааруу үнэлгээг Төрийн албаны зөвлөл, Эрчим хүчний яам, Монгол банк, Гадаад харилцааны яам, Оюуны өмчийн газар, Гаалийн ерөнхий газар, Газрын тосны газар зэрэг байгууллагуудад өгсөн байна. Эдгээр байгууллагуудад 19.5-39.5 оноо өгчээ. Дээрх байгууллагууд нь авлигын эсрэг үйл ажиллагаа явуулдаггүй, төсөвтөө хөрөнгө мөнгө суулгаагүй гэсэн дүгнэлтийг өгчээ. Харин аймгуудын хувьд, Дорнод, Орхон, Баян-Өлгий аймагийн Засаг даргын Тамгийн газрыг энэ чиглэлээр үр дүнтэй ажил хэрэгжүүлж байгаа гэсэн үнэлэлт өгсөн байна. Дорнод аймагийн Засаг даргын Тамгын газар нь сумдад хууль, дүрэм журам, дээд шатны байгуулагын шийдвэрээр хүлээсэн үүргийн биелэлт, төрийн үйлчилгээ ард иргэдэд хүрч байгаа эсэх талаар хяналт шинжилгээ, үнэлгээг хөндлөнгийн шинжээчийн багаар гүйцэтгүүлж зөвлөмжийг хэрэгжүүлж ажилласан байна. Баян-Өлгий аймгийн хувьд "Соёлын түшиг" ТББ-тай хамтран авлигын эсрэг үйл ажиллагааг сурталчилсан жүжигчилсэн тоглолтыг бэлтгэж, 12 сумдаар аялан тоглуулсан бөгөөд орон нутгийн телевизээр иргэдэд хүргэсэн аж. Хүний нөөц, төсөв санхүү, худалдан авах ажиллагаатай холбогдох мэдээллийг цахим хуудсанд байршуулсан ил тод байдлыг хангах чиглэлээр Дорнод, Орхон, Говьсүмбэр аймаг амжилттай ажиллажээ.
Дээрх тайланд хамрагдсан төрийн байгууллагуудаас 24 төрийн албан хаагч, 16 хэрэгт холбогдсон байна. "MDS and assouates" хуулийн фермийн гишүүн Д.Дүгэржав "Бидний үнэлгээнд хамрагдсан 50 байгууллагад нийт 4635 төрийн албан хаагч ажиллаж байгаатай харьцуулбал 200 төрийн албан хаагч тутмын нэг нь авлигын хэрэгт холбогдсон байгаа нь ноцтой үзүүлэлт гэж үзэж байна. Хамгийн олон хүн авлигын хэрэгт холбогдсон нь ИНЕГ таван хүн, Татварын ерөнхий газар гурван хүн авлигын хэрэгт холбогдсон явдал юм" гэлээ.
Тайланг гаргасан байгууллагууд, "Төрийн өмчит болон төрийн өмчийн оролцоотой аж ахуй нэгж байгуулагууд авлигын эсрэг үйл ажиллагааны төлөвлөлт, тайлагналт, хэрэгжүүлэлт хангалтгүй. Нэр төдий төлөвлөгөө тайлан ирүүлж байна. Холбогдох нотлох баримтыг хавсарган хүргүүлээгүй. Төрийн байгууллага авлигын эсрэг үйл ажиллагааг хэрэгжүүлэх төсөв, хөрөнгийг батлан зарцуулдаггүй. Аж ахуй нэгж байгууллагууд хүний нөөц, төсөв санхүү, худалдан авах ажиллагааны мэдээллийг цахим хуудсанд байршуулдаггүй" гэсэн тааруу дүнг олонход нь тавьсан байна. Иймд Авлигын эсрэг үйл ажиллагааг хэрэгжүүлэх шаардлагатай төсөв хөрөнгийг батлан зарцуулдаг байх, мэдээллийн ил тод байдлыг хангах чиглэлд анхаарал хандуулан ажиллах, цахим хуудасын баяжуулалт хөтлөлтийг чанаржуулах, өөрийн байгууллага, салбарт авлига гарах эрсдэл боломж бүрдүүлсэн нөхцөл байдлыг судалгаа шинжилгээний үндсэн дээр тодорхойлж түүнийг арилгах чиглэлээр ажиллах зөвлөмжийг дээрх байгууллагуудад өгсөн байна. Энэхүү судалгааны тайланг Засгийн газрын Хэрэг эрхлэх газарт хүргүүлжээ.

 


 

 

 


 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-05-15 2082
СУРАГЧИД ЗАСАГ ДАРГАД ЗАХИДАЛ ГАРДУУЛЛАА

Орхон аймгийн Баян-Өндөр сумын 4 дүгээр сургуулийн хичээлийн хоёрдугаар байрны сурагчдын төлөөлөл Орхон ...

2015-01-05 1205
Цахилгаан станц 15 хоногийн нүүрсний нөөцтэй байна

Хоёр ёс дундаа орчихлоо. Араас нь гурав ёс залгахад хуруу дарам цөөхөн хоног үлдлээ. Гэвч гадаа жавар ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.55.22
2021-06-10-ний өдрөөс хойш.
  • 51 Онлайн
  • 4203 Өнөөдөр
  • 4737 Өчигдөр
  • 8940 Долоо хоногт
  • 186134 Сүүлийн сард
  • 6225354 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  999

Facebook

Цаг агаар