“Авзага трейд” компани “алдаа”-гаа засаж байна.

Эрдэнэтчүүд бид нэг их “үнэтэй” нэг том стадионтой болоод авсан. Гүйцэтгэгч нь “Авзага трейд” компани. Чанарын өндөр түвшинд барьсан гэж Авзагынхан өөрсдөө нотлох боловч өнөөдөр энэ стадионд наадмаа хийж чадах уу, үгүй юу гэдэг нь нэг мөр шийдэгдээгүй л байна. Учир нь цэнгэлдэх хүрээлэнгийн зарим блок ашиглах боломжгүй болсон, зарим газраа суулт өгсөн, хана туурганд нь ан цав гарсан гээд иргэдийнхээ аюулгүй байдлыг бодсон ч, жилд ганц болдог наадмынхаа билэг ерөөлийг бодолцсон ч энд наадам хийхгүй байх цөөнгүй шалтгаан аймгийн удирдлагад байгаа юм. Нөгөө талаас төрт ёсны залгамж чанараа эрхэмлэсэн ч, иргэдийнхээ ая тухыг харсан ч, зардал чирэгдлээ тооцсон ч эндээ наадамлачих юмсан гэдэг бодол хийгээд шалтгаан бас цөөнгүй бий. Ямартай ч наадмаа хаана хийх вэ гэдэг асуулт дээсэн дөрөөн дээр дэнжигнэж буй энэ үед “Авзага трэйд” компани цэнгэлдэх хүрээлэнг өөрсдөө дахин засварлах шийдвэр гаргасан нь энэ компанийг арай өөр, гэгээтэй нүдээр харах боломж олгож байна. Хэдийгээр  цэнгэлдэх хүрээлэнд гарсан эвдрэлийг өнгөрсөн зун болсон их үер устай холбон тайлбарлаж байгаа ч цоо шинэ барилга байгууламж энэ дүнгийн гамшгийг нэг удаа даасангүй юу гэдэг нь өөрөө бас асуулт мөн үү гэвэл мөн. Тэгэхдээ  “Авзага трейд” компани энэ засварыг үнэгүй хийж байгаа нь алдаагаа буюу чанаргүй ажил хийснээ хүлээн зөвшөөрч байгаа хэрэг гэж шулуухан тайлбарлачихаж бас хараахан болохгүй. Тэд үнэхээр сайн ажил хийснийг нь үнэхээр дийлдэшгүй хүчин зүйл буюу байгалийн гамшиг “шоглосон” байж болно. Харин бороо “буруу”-гаа хүлээх чадваргүй учраас өмнөөс нь “Авзага трейд” уучлал хүсэж буй бол үүнийг компанийн ёс зүй гэдэг юм. Манайд ёс зүйтэй компани олшроосой билээ.
   Наадам цэнгэлдэх хүрээлэнд болох магадлал бас өндөр байна.
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-04-22 1437
Баян-Өндөр сумын 22 багт эрх зүйн хөтөч нар ажиллаж эхэллээ

Орхон аймгийн Баян-Өндөр сумын Өмгөөлөгчдийн холбоо Баян-Өндөр сумын ЗДТГ хамтран баг бүрд эрх зүйн ...

2014-06-02 4634
Газар эзэмшүүлэх төсөл сонгон шалгаруулалтанд оролцохыг урьж байна

Орхон аймгийн Засаг даргын 2014 оны А/280 дугаар захирамжийн дагуу дараах зориулалтаар газар ...

2014-03-18 1415
2а хорооллын хөрөнгө оруулагч нарыг хүлээн авч уулзлаа

Өнөөдөр АЗДТГ-ын дарга В.Сумъяасүх, Хотын захирагчийн албаны дарга Б.Батжаргал, Хот байгуулалт, Барилга ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.233.242.204
2021-06-10-ний өдрөөс хойш.
  • 55 Онлайн
  • 1333 Өнөөдөр
  • 5198 Өчигдөр
  • 1333 Долоо хоногт
  • 178527 Сүүлийн сард
  • 6217747 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  998

Facebook

Цаг агаар